Były kiraŭnik ženieraliteta Katałonii Karles Pučdemon, adpraŭleny Madrydam u adstaŭku paśla abviaščeńnia rehijonam niezaležnaści, zajaviŭ, što Katałonskaja Respublika pieramahła manarchiju.
Takim čynam jon prakamientavaŭ vyniki vybaraŭ u aŭtanomii, zhodna ź jakimi, absalutnaja bolšaść — 70 miescaŭ z 135 — va ŭradzie Katałonii atrymajuć prychilniki adździaleńnia rehijonu ad Ispanii.
Madryd Pučdemon taksama zaklikaŭ prypynić dziejańnie art. 155 Kanstytucyi Ispanii, jaki daŭ centralnamu ŭradu prava na siłavoje rašeńnie kanfliktu paśla refierendumu
«My pavinny pačać zajmacca palitykaj, spadar [premjer-ministr Ispanii] Rachoj», - źviarnuŭsia Pučdemon da staršyni ispanskaha ŭrada ŭ chodzie svajoj pres-kanfierencyi ŭ Bruselskim kanfierenc-centry.
«Katałonskaja Respublika pieramahła manarchiju. Ispanskaja dziaržava paciarpieła parazu », - abviaściŭ palityk, zaŭvažyŭšy, što ŭ suviazi z hetym u pieršuju čarhu jon chacieŭ by padziakavać tym, chto znachodzicca ŭ turmie.
Paśla padliku bolš za 99% biuleteniaŭ try partyi, jakija vystupajuć za niezaležnaść, — «Razam za Katałoniju» (JxCat), «Respublikanskija levyja Katałonii» (ERC) i «Narodny sajuz» (CUP) - atrymlivajuć u miascovym parłamiencie 70 miescaŭ z 135, h.zn. bolšaść.
Adnak lidziruje partyja «Hramadzianie» (Ciudadanos), jakaja vystupaje za toje, kab Katałonija zastałasia ŭ składzie Ispanii. Jana nabrała 25% hałasoŭ, što daje joj 36 mandataŭ.
Ciapier čytajuć
Rytu Dakotu abvinavacili, što jana terminova raspradała nieruchomaść u Rasii amal na $2 miljony. Jana adkazała4
Kamientary