Michaił Miaśnikovič, kiraŭnik Savieta Respubliki i adzin z ajcoŭ-zasnavalnikaŭ biełaruskaha Parku vysokich technałohij, ličyć IT-krainu mahutnym nacyjanalnym prajektam.
«My jašče navat nie možam vykazać zdahadku, nakolki heta budzie surjozna i zapatrabavana i jak heta acanić u hrošach, ale ja liču, što za hetym budučynia», skazaŭ jon u intervju «Hałoŭnamu efiru» na telekanale «Biełaruś 1», piša Tut.by.
«Ja ŭ heta vieru», — zajaviŭ Miaśnikovič u adkaz na pytańnie pra svajo staŭleńnie da technałohii błokčejn i kryptavalut. Jon pryznaŭsia, što i za kursam bitkojna, samaj raspaŭsiudžanaj kryptavaluty, sočyć.
«Moža, ja radykalna vykažusia, ale hramadstva stamiłasia ad valutnaj zakantralavanaści, ad taho, što na valutny rynak mocna ŭpłyvaje palityka», — skazaŭ jon, adznačyŭšy, što kryptavaluty mohuć stać valutnym internetam.
«Kryptavalutnyja fondy, biržy — za hetym vialikija pierśpiektyvy i budučynia. Ale treba vialiki davier i sacyjalnaja łajalnaść, i hety dakumient daść vielizarny kumulatyŭny efiekt», — zajaviŭ Miaśnikovič.
Jon zaklikaŭ nie pałochać ludziej novymi technałohijami i budučymi skaračeńniami na rynku pracy, padkreśliŭšy, što infarmacyjna-kamunikacyjnyja technałohii ŭžo nie prosta technałohii, a asiarodździe, u jakim isnuje i pramysłovaść, i pobyt.
Cikava, što padtrymaŭ dakumient i vice-premjer Uładzimir Siamaška. Jon padkreśliŭ, što skieptykaŭ było šmat i pry stvareńni PVT bolš za dziesiać hadoŭ tamu. Tady krytyki nazyvali prajekt «rohami i kapytami», siońnia karyść ad jaho ŭsim vidavočnaja, padkreśliŭ jon.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha129
Kamientary