Centrvybarkam vyrašyŭ nie rehistravać hrupu vybarščykaŭ, jakaja vyłučyła apazicyjaniera na prezidenckija vybary, praz sudzimaści Navalnaha. Apošni ŭ vypadku admovy ŭ rehistracyi abiacaŭ vuličnyja akcyi i bajkot vybaraŭ.
Inicyjatyŭnaja hrupa, jakaja vyłučyła na prezidenckija vybary zasnavalnika Fondu baraćby z karupcyjaj Alaksieja Navalnaha, nie moža być zarehistravanaja praź jaho sudzimaści pa spravie «Kiraŭlesu». Da takoj vysnovy padčas pasiadžeńnia ŭ paniadziełak, 25 śniežnia, pryjšli čalcy Centrvybarkama, pieradaje karespandent RBK.
«Nie maje prava być abranym hramadzianin, jaki maje na dzień vyłučeńnia niepahašanuju ci nie źniatuju sudzimaść za ciažkija złačynstvy, — zajaviŭ siabra CVK Barys Safaraŭ. — Sudzimaść zachoŭvajecca, jana nie była źniataja abo pahašanaja. Admović u rehistracyi hrupy vybarščykaŭ, stvoranaj dla vyłučeńnia Alaksieja Navalnaha, u suviazi z adsutnaściu ŭ jaho pasiŭnaha vybarčaha prava». U čalcoŭ CVK niama nijakich padstavaŭ sumniavacca ŭ zakonnaści i spraviadlivaści hetaha rašeńnia, dadaŭ siabra CVK.
Kamientary