Infarmacyjna-analityčny centr pry Administracyi prezidenta apublikavaŭ vyniki štokvartalnaha daśledavańnia za 2016 hod, pryśviečanaha pratestnamu patencyjału nasielnictva.
Što moža stać katalizataram pratestaŭ?
Ludzi pieradusim nazyvali rezkaje źmianšeńnie zarobkaŭ i zatrymku ich vypłaty, pavyšeńnie cen, niebiaśpieku stracić pracu, stvareńnia ŭ horadzie škodnaj vytvorčaści, a taksama abmiežavańnie palityčnych pravoŭ i svabod.
Na praciahu 2016 hoda kolkaść tych, chto ŭ vyklučnych (pieraličanych vyšej) situacyjach zajaviŭ sacyjołaham IAC pra svaju hatoŭnaść da ŭdziełu ŭ mitynhach i demanstracyjach, dasiahała 14%. U absalutnym vyražeńni heta bolš za 1 miljon čałaviek (za vyniatkam niepaŭnaletnich)
Kolkaść hatovych da zabastovak dasiahała 7,5%. Heta kala 570 tysiač čałaviek.
Da jašče bolš radykalnaha pratestu — haładoŭki — hatovyja ŭ krajnim vypadku pierajści da 3% biełarusaŭ. Heta kala 230 tysiač čałaviek.
Narešcie, 190 tysiač biełarusaŭ (2,5% apytanych) paviedamili, što razhladajuć i varyjant uzbrojenaha supracivu.
