Nazyvajecca albom «DAROHI» — heta pieršy sumiesny albom Alaksandra Jasinskaha i Sieržuka Doŭhušava.
Ich tvorčyja šlachi pierasiaklisia jašče ŭ 2010 hodzie, kali muzyki pačali hrać u prajekcie Fratrez, paźniej Alaksandr dałučyŭsia da etnahurta Vuraj. A zaraz u muzykaŭ novy prajekt — vakalna-instrumientalny duet, kancerty jakoha adbylisia ŭ Prazie, Minsku, a taksama na fiestyvali «Bardaŭskaja vosień» u Polščy.
Albom «Darohi» składajecca z aŭtarskich piesień na vieršy paeta-revalucyjaniera Anatola Sysa i słavutaha piśmieńnika Uładzimira Karatkieviča. Siaržuk Doŭhušaŭ napisaŭ hetyja pieśni na svajoj małoj radzimie — Aršanščynie — u pieryjad z 2011 pa 2013 hod, a ŭ 2016 hodzie pieśni zahučali ŭ duecie z Alaksandram Jasinskim. Alaksandr virtuozna i pa-mastacku azdobiŭ kampazicyi partyjami bajana.
U albom taksama ŭvajšli: narodnaja paleskaja pieśnia «Oj, žuraŭko», pieśnia na polskim dyjalekcie «Try siroty» i aŭtarskaja pieśnia A. Jasinskaha «Ciahniki».
«Heta dźvie maje Radzimy, dźvie Baćkaŭščyny — Viciebščyna i Homielščyna — źjaŭlajucca jašče i radzimaj paetaŭ. Što jość aŭtarskaja pieśnia? Heta, pa-pieršaje, tekst i jaho jakasnaje spałučeńnie z muzykaj. My chacieli pieradać u pieśniach mienavita dumki aŭtaraŭ praź ich hłybokuju i vobraznuju paeziju, nie ŭskładniajučy jaje aranžyroŭkami, instrumientami dy formaj. Fiestyval «Bardaŭskaja vosień» taksama paspryjaŭ hetamu: asnoŭnyja vystupy i pieršaja prezientacyja prahramy adbylisia mienavita tam. Fest dapamoh nam bolš arhanizavacca, darabić prahramu i ŭ vyniku zapisać płytku. Napieradzie prezientacyi na Radzimie: u lutym 2018-ha my płanujem zładzić kancerty ŭ Minsku dy ŭ inšych haradach Biełarusi», — raspaviadaje Siaržuk Doŭhušaŭ.
U Minsku ŭžyvuju pačuć albom «DAROHI» možna budzie 8 lutaha ŭ KZ «Vierchni horad».
Prezientacyja ŭ haradach Biełarusi:
-
«Uschodni hihant», a sceny na kancercie — «vartyja Dante». Jak upłyvovaje polskaje vydańnie raskazała pra Maksa Karža palakam
-
«Nie vajnie!» Jak Maks Korž razryvaŭ Varšavu i pra što kazaŭ na svaim kancercie? REPARTAŽ
-
Biełaruskaja skrypačka daść u Łondanie pieršy kancert, całkam pryśviečany sučasnaj biełaruskaj akademičnaj muzycy
Ciapier čytajuć
Stała viadoma, što za 200 tysiač jeŭra prapanoŭvali Siarhieju Cichanoŭskamu «biełaruskija biznesmieny»29
Kamientary