Incydent adbyŭsia ŭ Vałožynskim rajonie 4 listapada ŭ vioscy Rusaki, piša kraj.by.
Chłopiec hulaŭ la prypynku sa svaim 24-hadovym znajomym i jaho 18-hadovaj dziaŭčynaj. Kampanija vypiła piva, paśla čaho 17-hadovamu liceistu čymści nie spadabaŭsia aŭtobusny prypynak. Spačatku jon raźvioŭ kala jaho vohnišča. Potym padpaliŭ śmiećcie ŭ kantejniery i pierakuliŭ na ziamlu. Ale i hetaha zdałosia mała. Małady čałaviek adłamaŭ ad łaŭki prypynku try płastykavyja płanki i kinuŭ u ahoń.
Siabry sprabavali supakoić debašyra. Jon supakoiŭsia tolki tady, kali treciaja častka łaŭki ŭžo hareła.
Supracoŭniki Vałožynskaha RAUS znajšli chulihana.
Chłopiec žyvie ŭ paśpiachovaj siamji ŭ adnoj ź viosak rajona. Vučycca na trecim kursie prafiesijnaha liceja. Jon najlepšy navučeniec u hrupie. Raniej nikoli nie pryciahvaŭsia ni da kryminalnaj, ni da administracyjnaj adkaznaści. Na ulikach nie znachodzicca.
Da suda jaho pieradali pad nahlad baćkoŭ.
Małady čałaviek nie pryznaje svaju vinu. Śćviardžaje, što ŭsio heta jon zrabiŭ niespadziavana.
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha142
Kamientary