Lubyja zakliki, nakiravanyja na zryŭ takoj važnaj vybarčaj kampanii, jak farmiravańnie Nacyjanalnaha schodu, biezadkaznyja i amaralnyja . Ab hetym zajaviła siońnia žurnalistam, adkazvajučy na pytańnie karespandentu BIEŁTA, staršynia Centralnaj vybarčaj kamisii Biełarusi Lidzija Jarmošyna ŭ čas prezientacyi Infarmacyjnaha centra CVK u Pałacy Respubliki.
Jany amaralnyja z ahulnahramadzianskaha punktu hledžańnia i nakiravany na destabilizacyju abstanoŭki ŭ hramadstvie, dadała Lidzija Jarmošyna. «Nikomu nie budzie karyści ad taho, što vybary buduć sarvany. Heta škodna dla luboha hramadstva i luboj dziaržavy», — ličyć kiraŭnik Centrvybarkama.
Lidzija Jarmošyna padkreśliła, što pa dziejučamu ŭ Biełarusi zakanadaŭstvu zakliki da bajkotu vybaraŭ nie zabaronieny. Nielha zajmacca ahitacyjaj «za» abo «suprać» tolki ŭ asnoŭny dzień hałasavańnia, 28 vieraśnia. Takim čynam, da 28 vieraśnia ŭsie hetyja dziejańni znachodziacca ŭ płoskaści zakonu.
«Ažyćciaŭlać zakliki da zryvu vybaraŭ — sprava sumleńnia tych, chto hetym zajmajecca. Ale tyja palityčnyja siły, jakija vyznačajuć heta jak svaju palityku, asudžany na vymirańnie», — pierakanana staršynia Centralnaj vybarčaj kamisii
