Fota: @kotalejka.
Karystalniki sacsietak imhnienna adreahavali na taki kancept. «Ideja na budučyniu — masažny sałon «Hiestapaviec», — žartavali jany. Prapanoŭvali i alternatyŭnyja varyjanty: naprykład «salaryj Aśviencim».
Biełarusy pačali pakidać niehatyŭnyja vodhuki na sajcie i ŭ aficyjnym instahramie barbieršopa dy cikavilisia, kolki budzie kaštavać rasstreł?
My vyrašyli spytać va ŭładalnikaŭ novaha miesca dla stryžak mužčynskich hałovaŭ i barod, čym jany kiravalisia, kali abirali svajmu biznesu taki pazyŭny.
«Nam chaciełasia adkryć barbieršop u tematyčnym vajenizavanym styli, bo takoha jašče nie było. U nas kancepcyja nie pra toje, pra što vy ŭsie dumajecie. Heta pra supracoŭnikaŭ, jakija abaraniajuć našych hramadzian, našu krainu. Jany pavažanyja ludzi, dobra vyhladajuć, achajnyja, prykład dla inšych. Jany lubimčyki dam. My chočam, kab biełarusy nabližalisia da takoha vobraza. Na dvary 21 stahodździe, historyja adyšła nazad, tamu ja asabista da takoj nazvy staŭlusia łajalna», — prakamientavaŭ «NN» suzasnavalnik barbieršopa «Čekist» Aleh Kot.
Suzasnavalnik barbieršopa «Čekist» Aleh Kot.
Niahledziačy na niehatyŭnuju reakcyju z boku niekatorych biełarusaŭ, źmianiać niešta ŭ kancepcyi supracoŭniki «Čekista» nie płanujuć. «Usim miły nie budzieš», — ličyć Aleh. Praŭda, asabliva radykalnym kamientataram jon pahražaje raspravaj.
Skrynšot: @Zap4ick.
Akramia taho, Aleh Kot raspavioŭ, što nie vyklučaje, što budzie padavać u sud na ŭsich, chto ich abražaje.
