Ščaniuka sa złamanymi skivicami vylečyli z dapamohaj 3D-pryntaru
Pakusany vialikim sabakam ščaniuk atrymaŭ nadrukavanuju śpiecyjalna dla jaho na 3D-pryntary lohkuju płastykavuju masku, dziakujučy jakoj razdroblenyja kostki skivicaŭ chutka zraślisia, paviedamlaje časopis «Papularnaja miechanika».
Vieterynaram kliniki pry Kalifarnijskim univiersitecie nadałasia mahčymaść aprabavać novuju masku, jakuju jany raspracavali sumiesna sa studentami kaledža bijainžynieryi (UC Davis College of Engineering). Maska Exo-K9 ŭjaŭlaje saboj formu i macavańnie dla pierałomanych kostak čerapa. Jana zamacoŭvaje frahmienty złamanaj kostki i nie dazvalaje im pieramiaščacca — pracuje jak hipsavaja paviazka pry pierałomie kaniečnaściaŭ, z toj roźnicaj, što Exo-K9 robicca z bolš lohkaha i bolš ciepłapravodnaha materyjału i drukujecca na 3D-pryntary.
Pierš čym vyrabić masku, vieterynary atrymali kampjutarnuju tamahramu i praviali nieabchodnyja chirurhičnyja apieracyi. Pa tamahramie vieterynary stvaryli kampjutarnuju madel čerapa sabaki, a zatym adaptavali jaje pad patrabavańni prahramnaha zabieśpiačeńnia 3D-pryntara i nadrukavali ź miakkaha i lohkaha, ale tryvałaha płastyku.
Ščaniuk prabyŭ u klinicy try dni. Adrazu paśla apieracyi jon pačaŭ jeści miakkuju ježu. Bol zdymali miedykamientami. Uvieś nastupny miesiac haspadary pavinny byli trymać jaho dalej ad kostak, cacak i ŭsiaho, što možna hryźci; ščaniuk nasiŭ i masku Exo-K9, i vieterynarny kaŭnier, jaki zdymali tolki na čas kantralavanaha pryjomu ježy. Praz try miesiacy tamahrafija pakazała poŭnaje zraščeńnie złamanych kostak, i masku źniali.
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary