Vyjaviłasia, što ibuprafien moža pryvieści da biaspłodździa ŭ mužčyn
Hrupa navukoŭcaŭ z Kapienhahienskaha ŭniviersiteta vyjaviła, što papularny bolesuciašalny i haračkapanižalny srodak ibuprafien moža pryvieści da biaspłodździa ŭ mužčyn. Vyniki daśledavańnia apublikavanyja ŭ časopisie Proceedings of the National Academy of Sciences, paviedamlaje Science Alert.
U ekśpierymiencie prymaŭ udzieł 31 mužčyna va ŭzroście ad 18 da 35 hadoŭ. Ich padzialili na dźvie hrupy. Pieršym paddoślednym davali pa 600 mh ibuprafiena (pa try tabletki dla darosłych) kožny dzień na praciahu šaści tydniaŭ, inšyja ž prymali płaceba («pustyški»).
Pa zakančeńni 14 dzion u mužčyn ź pieršaj hrupy zafiksavali pavieličeńnie vypracoŭki luteinizujučaha harmonu. Jon upłyvaje na sintez testasteronu, jaki nieabchodny dla ŭtvareńnia śpiermatazoidaŭ. Zanadta vialikaja kancentracyja hetaha harmonu pahražaje źnižeńniem vypracoŭki testasteronu i, jak śledstva, biaspłodździem.
Navukoŭcy adznačyli, što ich paddoślednyja prymali ibuprafien va ŭmieranych dozach, tamu niehatyŭnyja nastupstvy byli vyjaŭlenyja nie tak mocna. Adnak tyja ludzi, jakija prymajuć hety bolesucišalny srodak u vialikich dozach i na rehularnaj asnovie, naprykład, prafiesijnyja spartoŭcy, pavinny być bolš aściarožnymi.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary