Pa vynikach pieršych z 2015 hoda pieramovaŭ na vysokim uzroŭni pamiž Paŭdniovaj Karejaj i KNDR była dasiahnutaja damoŭlenaść užo z zaŭtrašniaha dnia ŭznavić dziejańnie linii haračaj suviazi pamiž armijami dźviuch krain, a taksama pravieści kansultacyi z udziełam vajskoŭcaŭ z metaj źnizić napružanaść na linii raźmiežavańnia, paviedamlaje TASS.
Aproč hetaha, krainy pahadzilisia aktyvizavać abmieny delehacyjami ŭ roznych śfierach. 3 studzienia była adnoŭlenaja dvuchbakovaja linija suviazi u pamiežnaj vioscy Pchanmundžom, dzie raniej adbyvalisia pieramovy pradstaŭnikoŭ dźviuch karejskich dziaržaŭ.
Delehacyju Paŭdniovaj Karei ŭznačaliŭ ministr pa spravach nacyjanalnaha abjadnańnia Respubliki Kareja Čo Mion Hiun, delehacyju KNDR uznačalvaje staršynia kamiteta KNDR pa mirnym abjadnańni radzimy Li Son Hvon.
Sustreča, pavodle dadzienych paŭdniovakarejskaha ministerstva abjadnańnia, pačałasia a 10:00 pa miascovym časie. Ctaršynia Kamiteta pa mirnym abjadnańni Li Son Hvon pierad jaje pačatkam, jak piša Reuters, vykazaŭ aptymizm adnosna vynikaŭ hetych pieramovaŭ. «Dyjałoh projdzie dobra», — zajaviŭ jon žurnalistam pierad uvachodam u pieramoŭnuju. «Siońnia Paŭnočnaja i Paŭdniovaja Kareja buduć vieści razmovu z pazicyj surjoznaści i ščyraści», — dadaŭ jon.
Kareja zastajecca padzielenaj na dźvie dziaržavy — kamunistyčnuju Poŭnač i demakratyčny Poŭdzień — z 1948 hoda. U vyniku zakančeńnia Karejskaj vajny (1950-1953) była stvoranaja zona raźmiežavańnia, ale dahetul dźvie dziaržavy farmalna zastajucca ŭ stanie vajny, bo mirny traktat miž imi nikoli nie byŭ padpisany.
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary