Dypłamaty z ZŠA, akredytavanyja ŭ Biełarusi, vykazali žadańnie ŭdzielničać u manitorynhu miascovych vybaraŭ u Biełarusi, paviedamiła siońnia staršynia CVK Lidzija Jarmošyna na pasiadžeńni Centralnaj kamisii, pieradaje BiełTA.
«U nas isnuje tradycyja, što zamiežnyja dypłamaty, akredytavanyja ŭ Respublicy Biełaruś, vałodajuć pravam vieści karotkaterminovaje nazirańnie», — skazała jana.
Pa słovach staršyni CVK, zvarot ab žadańni nazirać za miascovymi vybarami ŭžo pastupiła ad pasolstva ZŠA — dypłamaty źviarnulisia i ŭ MZS, i ŭ Centrvybarkam. Da ciapierašniaha času havorka idzie ab dzieviaci supracoŭnikach amierykanskaj ambasady, siarod jakich časovy pavierany ŭ spravach.
Dypłamaty inšych krain taksama zajavili pra svajo žadańnie ŭdzielničać u karotkaterminovym manitorynhu palityčnaj kampanii. Zamiežnyja ŭdzielniki manitorynhu maje prava pracavać na pasiadžeńniach lubych vybarčych kamisij i na lubych učastkach dla hałasavańnia, znachodzicca na učastkach až da zakančeńnia padliku hałasoŭ.
Kolki budzie ŭ vyniku akredytavana dypłamataŭ, jakija žadajuć pracavać na miascovych vybarach, pakul nieviadoma, ale ŭ 2010 hodzie było vydadziena 50 akredytacyjnych paśviedčańniaŭ, a ŭ 2014 hodzie — 15.