Barysaŭski klub zarabiŭ pieršy bał u hrupavym turniry i ŭźniaŭsia na 3-je miesca, abahnaŭšy «Zenit», jaki prajhraŭ u Piciery «Reału» – 1:2..
Na mienskim stadyjonie «Dynama» skončyŭsia matč druhoha turu hrupavoha turniru Lihi čempijonaŭ. Barysaŭski BATE prymaŭ turynski «Juventus».
BATE adrazu abrynuŭsia z atakami na varoty turynskaha klubu. Što kazać, kali roźnica pa kutnych była 5:0 na karyść biełarusaŭ?
Adkryŭ lik na 16-j chvilinie Siarhiej Kryviec. Na 23-j Ihar Stasievič padvoiŭ lik.
Ale na 29-j Vičenca Jakvinta zabiŭ miač u adkaz, a na apošniaj chvilinie pieršaha tajmu jon lik i zraŭniaŭ.
Barysaŭski klub nia tolki vystajaŭ u druhim tajmie, ale i pravioŭ niekalki vostrych kontaratak.
«Zenit» prajhraŭ u Piciery «Reału» – 1:2.
Takim čynam BATE zarabiŭ pieršy bał u Lizie čempijonaŭ. Barysaŭcy paśla dvuch turaŭ zajmajuć treciaje miesca.
Na pieršym – «Reał» (6 punktaŭ). U «Juventusu» – 4. Apošniaje miesca va uładalnika Kubku UEFA i Superkubku Eŭropy picierskaha «Zenitu». U piciercaŭ nul punktaŭ.
Nastupnyja dva tury kamandy zhulajuć adzin z druhim.
«Juve» z «Reałam», a BATE – z «Zenitam».
21 kastryčnika hulnia ŭ Sankt-Pieciarburhu, 5 listapada – u Miensku.
Abjektyŭna, u biełaruska-rasiejskim dvuboi, vidać, i vyrašycca los treciaha miesca ŭ hrupie, a značyć los pucioŭki ŭ Kubak UEFA na luty-sakavik nastupnaha hodu.
Napierad, BATE!
Pieršy hoł barysaŭčanaŭ na videa:
Druhi hoł BATE:
Pabačyć videa hałoŭ možna taksama pa hetaj spasyłcy.
Zahadzia prosim prabačeńnia, kali videa nie prajhrajecca - z papularnych videaservisaŭ videa matču vielmi aperatyŭna vydalajecca maderatarami. Adšukać videa možna samim, naprykład, na servisie Rutube ci na YouTube
.
Kamientary