Terytaryjalnuju prykmietu nie buduć uličvać pry pryjomie dziaciej u himnazii ź biełaruskaj movaj navučańnia. Pra heta, jak pieradaje karespandent ahienctva «Minsk-Naviny», paviedamiła 26 studzienia na pres-kanfierencyi namieśnik ministra adukacyi Raisa Sidarenka, kamientujučy Ukaz №30 «Ab pryjomie va ŭstanovy ahulnaj siaredniaj adukacyi i navučańni ŭ ich».
— Zaraz pryjom dziaciej u pieršyja kłasy škoł ažyćciaŭlajecca ŭ adpaviednaści z pastanovaj Saŭmina pa miescy pražyvańnia baćkoŭ. Ale heta, chaciełasia b padkreślić, u asnoŭnym dziejny pryncyp, — adznačyła R. Sidarenka
U adpaviednaści z novym ukazam Łukašenki pryjom pieršakłaśnikaŭ u himnazii taksama budzie ažyćciaŭlacca pa terytaryjalnaj prykmiecie.
— My razumiejem, što vielmi žorstka patrabavać ad usich ustanoŭ zachavańnia hetaha pryncypu nie varta. Naprykład, adna z pryčyn nastupnaja.
U nas nie tak šmat škoł i himnazij, u jakich vyvučeńnie pradmietaŭ prachodzić na biełaruskaj movie. U takija ŭstanovy źjazdžalisia dzieci z usiaho Minska. Pryviazaŭšy takuju himnaziju da vyznačanaha mikrarajona, možam skaracić isnavańnie biełaruskamoŭnych ustanoŭ. Tamu terytaryjalnych abmiežavańniaŭ nie budzie, — adznačyła R. Sidarenka.
Ciapier čytajuć
Chto staić za pravakatyŭnaj supołkaj DoŁHB? Zdajecca, niepałochanyja školniki5
Kamientary