Dziejučy prezident Čechii Miłaš Zeman ź minimalnym adryvam pieramoh svajho kankurenta Iržy Drahaša, byłoha prezidenta Akademii navuk, u druhim tury vybaraŭ. Zeman zaručyŭsia padtrymkaj 51,6%. Drahaš atrymlivaje 48,4%. Roźnica skłała 176 tys. hałasoŭ.
Udzieł u druhim tury vybaraŭ, što prachodziŭ druhuju pałovu piatnicy i pieršuju pałovu suboty, uziali 66,5% vybarcaŭ.
Zeman atrymaŭ asnoŭnuju padtrymku ŭ nievialikich nasielenych punktach, tady jak asnoŭnyja vybarščyki Drahaša žyvuć u bujnych haradach.
Cikava, što Zeman zajmaje žorstkuju pazicyju, vystupajučy suprać prytoku ŭ krainu mihrantaŭ z krain Azii i Afryki. Akramia taho jon krytykavaŭ palityku sankcyj u dačynieńni da Rasii i kazaŭ pra nieabchodnaść raźvivać stasunki z Maskvoj i Piekinam, za što jaho nazyvajuć siabram Maskvy.
Drahaš u svaju čarhu ličycca prazachodnim palitykam, jaki vystupaje za toje, kab Čechija dziejničała sumiesna ź inšymi dziaržavami ES i bolš aktyŭna ŭdzielničała ŭ NATA. Praŭda, Drahašu zakidajuć supracoŭnictva sa śpiecsłužbami.
Da 2009 hoda prezidenta ŭ Čechii abiraŭ parłamient (tak abrali Vacłava Haŭła i Vacłava Kłaŭsa), adnak paśla byŭ pryniaty zakon ab pramych vybarach. U 2013-m na pieršych usienarodnych vybarach pieramoh akurat Zeman.
