Дзеючы прэзідэнт Чэхіі Мілаш Зэман з мінімальным адрывам перамог свайго канкурэнта Іржы Драгаша, былога прэзідэнта Акадэміі навук, у другім туры выбараў. Зэман заручыўся падтрымкай 51,6%. Драгаш атрымлівае 48,4%. Розніца склала 176 тыс. галасоў.
Удзел у другім туры выбараў, што праходзіў другую палову пятніцы і першую палову суботы, узялі 66,5% выбарцаў.
Зэман атрымаў асноўную падтрымку ў невялікіх населеных пунктах, тады як асноўныя выбаршчыкі Драгаша жывуць у буйных гарадах.
Цікава, што Зэман займае жорсткую пазіцыю, выступаючы супраць прытоку ў краіну мігрантаў з краін Азіі і Афрыкі. Акрамя таго ён крытыкаваў палітыку санкцый у дачыненні да Расіі і казаў пра неабходнасць развіваць стасункі з Масквой і Пекінам, за што яго называюць сябрам Масквы.
Драгаш у сваю чаргу лічыцца празаходнім палітыкам, які выступае за тое, каб Чэхія дзейнічала сумесна з іншымі дзяржавамі ЕС і больш актыўна ўдзельнічала ў НАТА. Праўда, Драгашу закідаюць супрацоўніцтва са спецслужбамі.
Да 2009 года прэзідэнта ў Чэхіі абіраў парламент (так абралі Вацлава Гаўла і Вацлава Клаўса), аднак пасля быў прыняты закон аб прамых выбарах. У 2013-м на першых усенародных выбарах перамог акурат Зэман.
Каментары