Z 1 lutaha ŭ Biełarusi vyraście dapamoha na dziaciej da 3 hadoŭ. Prybaŭka składzie ad 33,15 da 42,62 rubla ŭ zaležnaści ad vidu dapamohi, paviedamlaje Tut.by.
Dapamoha na pieršaje dzicia z 1 lutaha składzie 312,03 rubla (35% ad siaredniaj zarpłaty), na druhoje i nastupnych — 356,6 rubla (40% ad siaredniaj zarpłaty). Na dzicia-invalida da 3 hadoŭ — 401,18 rubla ŭ miesiac (45% ad siaredniaj zarpłaty).
U červieni ŭ Biełarusi źmianili paradak pierahladu vypłaty dapamoh na dziaciej da 3 hadoŭ. Ciapier hetyja vypłaty pieraličvajuć dvojčy ŭ hod — z 1 lutaha i z 1 žniŭnia, a nie raz u kvartał, jak było raniej. Akramia taho, pry kancy minułaha hoda ŭ parłamiencie razhladali varyjant, kab pierahladać pamier vypłat raz na hod, a nie kožny kvartał.
Z 1 lutaha taksama pavinien źmianicca pamier adnarazovych vypłat u suviazi z naradžeńniem dziciaci. Jon zaležyć ad biudžetu pražytačnaha minimumu, ale dakładnuju ličbu jašče nie ahučyli.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu1
Kamientary