З 1 лютага ў Беларусі вырасце дапамога на дзяцей да 3 гадоў. Прыбаўка складзе ад 33,15 да 42,62 рубля ў залежнасці ад віду дапамогі, паведамляе Tut.by.
Дапамога на першае дзіця з 1 лютага складзе 312,03 рубля (35% ад сярэдняй зарплаты), на другое і наступных — 356,6 рубля (40% ад сярэдняй зарплаты). На дзіця-інваліда да 3 гадоў — 401,18 рубля ў месяц (45% ад сярэдняй зарплаты).
У чэрвені ў Беларусі змянілі парадак перагляду выплаты дапамог на дзяцей да 3 гадоў. Цяпер гэтыя выплаты пералічваюць двойчы ў год — з 1 лютага і з 1 жніўня, а не раз у квартал, як было раней. Акрамя таго, пры канцы мінулага года ў парламенце разглядалі варыянт, каб пераглядаць памер выплат раз на год, а не кожны квартал.
З 1 лютага таксама павінен змяніцца памер аднаразовых выплат у сувязі з нараджэннем дзіцяці. Ён залежыць ад бюджэту пражытачнага мінімуму, але дакладную лічбу яшчэ не агучылі.
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння4
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары