36-hadovy žychar Žłobina atrymaŭ 15 hadoŭ kałonii ŭzmocnienaha režymu.
Śledčyja vyjavili, što abvinavačvany z pačatku 2013 hoda i da momantu jaho zatrymańnia niezakonna nabyvaŭ i zachoŭvaŭ bojeprypasy, vybuchovyja rečyvy, vybuchovyja pryłady, składovyja častki i kampanienty ahniastrelnaj zbroi. Cikava, što niekatoryja korpusy bojeprypasaŭ abvinavačvany vystaŭlaŭ na prodaž na internet-aŭkcyjonach pad vyhladam vyrabaŭ bytavoha pryznačeńnia (vazy, kašpo i inšaje), paviedamlajuć śledčyja.
Taksama padčas rasśledavańnia vyjaŭleny złačynstvy, učynienyja abvinavačanym u adnosinach da dziaciej.
Vyjaŭlena, što na praciahu dvuch hadoŭ jon ździejśniŭ hvałtoŭnyja dziejańni seksualnaha charaktaru ŭ dačynieńni da šaści małaletnich dziaŭčynak 2000-2003 hadoŭ naradžeńnia. Uvajšoŭšy ŭ davier da dziaciej, mužčyna fiksavaŭ svaje supraćpraŭnyja dziejańni na fota i videa. Padčas pieratrusaŭ pa miescy žycharstva abvinavačanaha byli kanfiskavanyja dyski i fłeški, na jakich było zapisana ahułam bolš za 250 fotazdymkaŭ i rolikaŭ z parnahrafijaj.
Na praciahu ŭsiaho pieryjadu rasśledavańnia abvinavačany znachodziŭsia ŭ śledčym izalatary.
Kryminalnaja sprava razhledžana ŭ sudzie Žłobinskaha rajona. Mužčyna atrymaŭ 15 hadoŭ pazbaŭleńnia voli. Adbyvać pakarańnie ŭ papraŭčaj kałonii va ŭmovach ŭzmocnienaha režymu. Prysud u zakonnuju siłu pakul nie ŭstupiŭ.
Kamientary