Jość takaja dumka, što biełaruskaja vioska pamiraje. Možna pačuć abmierkavańni, što narod miljonami biažyć z Uschodniaj Jeŭropy ŭ Łondany i Taronty, Dubai i Patai. Ale heta hłabalny praces, i anijakija kamłańni jaho nie spyniać.
Voś paru dzion tamu mnie prapanavali nabyć chatu ŭ Jeŭrasajuzie za 1 jeŭra. Čamu mnie? Lubomu achvotnamu! U italjanskaj pravincyi Sardynija municypalitet Ałałai (Ollolai) maje bolš za 200 pustych damoŭ. Nasielnictva miastečka skaraciłasia za apošnija hady ŭdvaja — z 2,5 da 1,2 tysiačy čałaviek.
Tamu da 7 lutaha municypalitet prapanuje kupić pustuju chatu za 1 jeŭra z abaviazacielstvam adramantavać jaje ŭ bližejšyja 3 hady. Heta značyć inviestavać jašče tysiač 20—25, a toje i bolej, bo damki nie ŭ vielmi dobrym stanie.
Miastečka znachodzicca ŭ samym sercy vyspy ŭ hornym rehijonie Barbahija (pa-łacinsku Barbaryja). Niejkija 100 km ad elitnych viłaŭ paŭnočnaha ŭźbiarežža.
Heta nie pieršy raz, kali pamirajučyja municypalitety Italii zamańvajuć ludziej, užo navat vystaŭlalisia cełyja vioski. A narod nie choča jechać, a ŭparta pchniecca tudy, dzie ciesna dy «ludzi trucca». Bo tam, dzie jany acirajucca, bolš enierhii, jakaja vas abahreje, nakormić i inšyja dazvolić patreby spravić.
Voś tut možna za nievialikija hrošy adčuć siabie sapraŭdnym jeŭrapiejskim barbaram.
-
Premjer Litvy: Sankcyi suprać Rasii i Biełarusi pavinny być chacia b rehijanalnymi, nacyjanalnyja biez tołku
-
Hłamurny kosmas. Džef Biezas adpraŭlaje siońnia ŭ kosmas svaju niaviestu i jašče piać žančyn
-
Kyrhyzstan uručyŭ notu pratestu rasijskamu pasłu paśla abłavy i žorstkaha źbićcia svaich hramadzian u maskoŭskaj łaźni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary