U Biełarusi płanujuć bolš šyroka prymianiać umoŭna-daterminovaje vyzvaleńnie dla asudžanych za narkotyki. Pra heta ŭ intervju haziecie «SB. Biełaruś siehodnia» raskazaŭ staršynia Viarchoŭnaha suda Valancin Sukała.
Pa słovach Valancina Sukały, pytańnie pra toje, jaki plon dało ŭzmacnieńnie žorstkaści adkaznaści ŭ płanie baraćby z narkamanijaj, niadaŭna abmiarkoŭvaŭsia na Prezidyumie Savieta ministraŭ. Havorka išła pra toje, što ciapier źjavilisia padstavy nie dla zakanadaŭčaha źmiakčeńnia adkaznaści za hety vid złačynstvaŭ, a dla pošuku novych padychodaŭ.
«Napeŭna jość patreba ŭ skaračeńni kolkaści asob, jakija pryciahvajucca pa č.1 art.328, h.zn. spažyŭcoŭ. Usio ž taki 2 tys. za hod — heta vielmi vialikaja ličba, i jana moža być skaročana šlacham prymianieńnia inšych mier uździejańnia, naprykład, źviazanych z prymusovym lačeńniem. Heta rašeńnie było paznačana ŭ pastanovie Prezidyuma Saŭmina. Inšaja miera, jakuju Viarchoŭny sud taksama padtrymlivaje, — bolš šyrokaje prymianieńnie ŭmoŭna-daterminovaha vyzvaleńnia i zamieny pakarańnia na bolš miakkaje dla tych, chto asudžany pa art. 328 i sapraŭdy staŭ na šlach vypraŭleńnia», — adznačyŭ staršynia Viarchoŭnaha suda.
Jon źviarnuŭ uvahu, što ŭ minułym hodzie bolš za 500 čałaviek užo byli ŭmoŭna-daterminova vyzvalenyja ad pakarańnia za hety vid złačynstvaŭ. Na dumku staršyni VS, varta bolš abjektyŭna padychodzić da asudžeńnia navat raspaŭsiudžvalnikaŭ narkotykaŭ — u tych vypadkach, kali heta raspaŭsiud nosić charaktar sumiesnaha ŭžyvańnia.
«Kali adzin narkaman prykurvaje inšamu cyharetu ź jakim-niebudź «ziellem», to farmalna heta taksama raspaŭsiud, ale ŭ dadzienym vypadku, pa-mojmu, možna znachodzić mahčymaść dla vychadu za miežy samych surovych sankcyj. U ramkach, padkreślu, dziejučaha zakanadaŭstva, bieź jakoj-niebudź jaho karekciroŭki. Taki padychod nie budzie nasić masavaha charaktaru, jon zakranie ŭ asnoŭnym niepaŭnaletnich, ale ŭ cełym stanie adpaviadać ahulnaj pazityŭnaj tendencyi ŭ spravie baraćby z hetym złom», — miarkuje Valancin Sukała.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary