U najbližejšy čas u mižnarodnym sudzie budzie razhladacca pazoŭ jašče adnoj rasijskaj kampanii suprać Biełarusi. Jak udałosia vyśvietlić TUT.BY, havorka pra «Manolium pracesinh», jakaja pabudavała ŭ Minsku tralejbusnaje depo, ale nie atrymała za jaho kampiensacyju. Jak ličyli biełaruskija ŭłady — z pryčyny zryvu zajaŭlenaj inviestdamovy.
U kancy krasavika 2017 hoda rasijskaja kampanija nakiravała ŭradu Biełarusi daarbitražnaje paviedamlańnie, jakoje daje mahčymaść kiraŭnictvu krainy na praciahu paŭhodździa znajści rašeńnie ŭźnikłaj prablemy. Jak vynikała z dakumienta, straty ŭ formie ŭpuščanaj vyhady acenieny ŭ 171 młn dalaraŭ, «eksprapryjacyja kamunalnaha abjekta» — amal u 37 młn dalaraŭ.
Šaścimiesiačny pieryjad, praduhledžany dla pieramovaŭ u adpaviednaści z Dahavoram ab JEAES, zaviaršyŭsia 25 kastryčnika 2017 hoda. Biełaruś nakiravała adkaz na daarbitražnaje paviedamlańnie «Manolium pracesinh» u apošni dzień pieryjadu dla pieramovaŭ, ale damovicca ab urehulavańni sprečki bakoŭ nie ŭdałosia.
15 listapada 2017 hoda «Manolium pracesinh» apaviaściŭ ułady Biełarusi ab arbitražy, i z hetaha momantu pačaŭsia arbitražny razhlad pamiž rasijskim inviestaram i Respublikaj Biełaruś, rastłumačyli TUT.BY u jurydyčnaj kampanii Baker&McKenzie, jakaja dziejničaje ŭ intaresach «Manolium pracesinh».
Patrabavańni rasijskaj kampanii pradjaŭlenyja na padstavie Damovy ab JEAES u adpaviednaści z Arbitražnym rehłamientam JUNSITRAŁ. «Manolium pracesinh» užo atrymaŭ pieršy adkaz Biełarusi na svajo paviedamleńnie ab arbitražy, u jakim biełaruskija ŭłady ŭ asnoŭnym piarečać suprać kampietencyi mižnarodnaha arbitražu razhladać hetu sprečku.
U najbližejšy čas praces piarojdzie ŭ aktyŭnuju stadyju. Užo sfarmiravany skład arbitraŭ. Adzin pryznačany rasijskim bokam, Stanimir Alaksandraŭ (Bałharyja), druhi — Biełaruśsiu, Brydžyt Štern (Francyja), treci, staršynia — byŭ ŭzhodnieny pieršym i druhim arbitram — Chuan Fiernandes-Armiesta (Ispanija). Jany majuć šyroki dośvied vyrašeńnia inviestycyjnych sprečak pamiž inviestarami i dziaržavami.
U ciapierašni čas u arbitražnym razhladzie vyrašajucca pracesualnyja pytańni: miesca arbitražu, pracesualny hrafik i h. d., paviedamili ŭ Baker&McKenzie. Suma patrabavańniaŭ, pradjaŭlanych «Manolium pracesinh», zastałasia raniejšaj — kala 200 młn dalaraŭ.
Varta nahadać, što ŭ kancy studzienia rasiejskaja kampanija «Hrand Ekspres» taksama pačała arbitražny razhlad suprać Biełarusi.
Nahadajem, u 2003 hodzie maskoŭskaja «Manolium pracesinh» biznesmiena Arama Jekaviana i jaho partniora Andreja Dałhova vyjhrała tendar na zabudovu ŭčastka ŭ miežach vulic Mašerava (byłaja Varvašeni), Čyrvonaj i Kisialova, dzie raźmiaščałasia tralejbusnaje depo № 1. Mierkavałasia, što na hetym miescy inviestar pabuduje elitnaje žyllo, 5-zorkavy hatel i biznes-centr na ahulnuju sumu 500 młn dalaraŭ. Kab atrymać učastak pad zabudovu, biznesmieny pahadzilisia vydatkavać 15 młn dalaraŭ na novaje tralejbusnaje depo va Uruččy i pieraličyć 1 młn dalaraŭ na budaŭnictva Nacyjanalnaj biblijateki. Adnak budaŭnictva ŭ centry horada tak i nie pačałosia. A voś budynak novaha depo byŭ dabudavany.
U vyniku apošnija niekalki hadoŭ inviestar i ŭłady Minska vyśviatlali spravu ŭ sudach i vyšejšych instancyjach. Inviestar žadaŭ atrymać układzienyja va Uruččy resursy, raz inviestdahavor ź im byŭ skasavany ŭ 2014 hodzie. Ale dziaržava naličyła štrafnyja sankcyi, jakija pakryvali vydatki na budaŭnictva novaha depo. Minharvykankam nastojvaŭ na biazvypłatnaj pieradačy depo, pakolki inviestar samavolna zajmaŭ ziamielny ŭčastak płoščaj 8 ha, bo prava časovaha karystańnia im užo skončyłasia. U rešcie rešt depo pa rasparadžeńni Alaksandra Łukašenki pieradadziena horadu.
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary