Były hałoŭny trenier minskaha «Dynama» Krejh Vudkraft u efiry prahramy «Aviertajm» abvierhnuŭ słovy kiraŭnika naziralnaj rady «zubroŭ» Ihara Šunieviča pra toje, što jon pačaŭ vieści pieramovy ź inšaj kamandaj da sychodu sa staličnaha kłuba.
— Čamu vy raźvitalisia z «Dynama»? Ci praŭda toje, što vy pačali vieści pieramovy z «Siervietam» da raźvitańnia z «zubrami»?
— Heta zusim nie tak. Heta nieabhruntavanyja plotki. Maje pieramovy z «Siervietam» pačalisia ŭžo paśla taho, jak było pryniata rašeńnie ab maim sychodzie z «Dynama». Heta nie majo rašeńnie. Ja chacieŭ praciahnuć toje, što my pačali ŭ «Dynama». A heta pabudova čempijonskaj kamandy. Płan, raźličany na try hady. I ŭ pieršy hod my damahlisia svaich metaŭ. «Dynama» stała kankurentnaj u KCHŁ, kamanda prahresavała, a biełaruskija chakieisty palepšyli svaju hulniu. Adbylisia źmieny i ŭ płanie psichałohii. Kamanda zrazumieła, što moža damahacca pośpiechu. Hulcy pavieryli ŭ siabie. My źmianili śvietapohlad. Pakazali, što i biełaruskija chakieisty, kali im daviarać, mohuć prahresavać i pieramahać. Ja škaduju, što zatym adbylisia źmieny, niesumiaščalnyja z rucham našamu płanu raźvićcia. Spyniacca na paŭdarozie było kryŭdna. Ja da hetaha času šukaju adkaz što zdaryłasia i čamu tak adbyłosia. I mnie ciažka jaho znajści. Paŭtarusia, bo rašeńnie prymaŭ nie ja, — zajaviŭ Vudkraft ŭ efiry telekanała «Biełaruś 5».
Vudkraft uznačalvaŭ «Dynama» ŭ minułym siezonie, kamanda finišavała na 5-m miescy ŭ Zachodniaj kanfierencyi, praŭda, vybyła ŭ pieršym raŭndzie Kubka Haharyna. U hetym hodzie «Dynama» daterminova pazbaviłasia šancaŭ na płej-of.
Vudkraft uznačalvaje ciapier šviejcarski «Sierviet»
Kamientary