7 lutaha troje maładych chłopcaŭ adpačyvali ŭ restaranie. Paśla taho, jak ŭstanova začyniłasia, maładyja ludzi vyjšli na vulicu. Tam pa niezrazumiełych pryčynach 20-hadovy chłopiec złamaŭ płot — paškodziŭ čatyry bietonnyja plity.
Kali supracoŭniki pryjechali, haspadar płota pakazaŭ na traich chłopcaŭ. Maładyja ludzi chamili i hruba łajalisia, usie troje byli pjanyja. Kala płota znajšli śled ad abutku 20-hadovaha chłopca. Jaho i zabrali ŭ milicyju.
Małady čałaviek pryznaŭsia, što płot złamaŭ ad radaści, kali daviedaŭsia, što jaho dziaŭčyna ciažarnaja. Pavodle jaho słoŭ, dvoje jaho pryjacielaŭ płot nie łamali, a prosta stajali pobač.
Chłopca pasadzili na troje sutak u izalatar časovaha ŭtrymańnia. Tam jon i adśviatkavaŭ svoj 20-y dzień naradžeńnia.
