Numar aficyjnaj «Sportivnoj panoramy» za 3 kastryčnika na pieršaj bačynie ciešyŭ zahałoŭkam «Ničyja, roŭnaja pieramozie». Pryśviečany anansavany materyjał byŭ matču BATE – «Juventus».
Adnak nia mienš dziŭnym byŭ fatazdymak, što supravadžaŭ materyjał. Va ŭsiu šyryniu bačyny byli adlustravanyja zaŭziatary BATE. Adnak sioje-toje pakazałasia dziŭnym.
Tolki hazeta źjaviłasia ŭ prodažy, na internet-resursach, pryśviečanych barysaŭskim zaŭziataram, stała ŭzdymacca chvala abureńnia. Akazałasia, žurnalisty «SP» pamianiali na fota koler klubnych ściahaŭ BATE, jakija trymali ŭ rukach zaŭziatary. Koler štandaraŭ źmianiŭsia z žoŭta-siniaha na čyrvona-zialony.
Abureńniu zaŭziataraŭ nie było miežaŭ. «Heta ž ździek z klubnych koleraŭ. Klub pavinien zabrać akredytacyju ŭ hetych kałhaśnikaŭ na matčy lihi», - aburaŭsia niechta REDLiNE na «Haściavoj knizie zaŭziataraŭ BATE ». «Z takim pośpiecham nam mahli damalavać jakujuści varožuju symboliku, naprykład, a potym vydać za ekstremistaŭ. Ci padmalavać aŭtamaty i skazać, što my «AlKaida», - kazaŭ zagorulko. (…) I dalej u tym ža samym duchu.
«Z čym heta źviazana?» – uźnikła pytańnie. Prošuki BRSM? Schavanaja nieluboŭ redaktaraŭ SP da BATE?
Ale padobna samy daścipny i ŭ toj ža čas padobny na praŭdy adkaz znajšoŭ na adnym ź internet-forumaŭ Quorthon: «Sapraŭdy, u čorna-biełym varyjancie hladzicca zusim pa-inšamu». Hł. treciaje fota.
Toje, što nadrukavała Sportivnaja panorama
Taja ž trybuna, ale z realnymi ściahami.
A voś jak ściahi BATE hladziacca ŭ čorna-biełym varyjancie.
