vk.com/nikolalenivets
U art-parku kałužskaj vioski Nikoła-Leniviec z nahody Maślenicy pabudavali z došak i chmyzu makiet 30-mietrovaha katalickaha chrama i spalili jaho. Aŭtar prajekta Mikałaj Paliski nazvaŭ usio heta «Pałymniejučaj hotykaj». Fatahrafii spaleńnia razyšlisia ŭ sacsietkach i vyklikali burnaje abmierkavańnie.
Artyst Maksim Hałkin napisaŭ pra heta ceły post.
«Maślenica, jak ja razumieju, spradviečna pahanskaje śviata, jakoje znajšło svajo miesca ŭ chryścijanskaj pravasłaŭnaj tradycyi. U našym hramadstvie apošnim časam vielmi abvostrana abaraniajuć pačućci viernikaŭ. Pavažanyja padpisčyki, moža, vy mnie rastłumačycie, ja nie razumieju, navošta ŭ narodna-pravasłaŭnaje śviata spalvać nie tradycyjnaje biaskryŭdnaje pudziła, a vielizarny tryccacimietrovy kaścioł? Vyhladaje žudasna. Ale, być moža, ja nie ŭ kursie i ŭ katalickaj Jeŭropie ciapier paŭsiul palać sałamianyja sabory na płoščach?» — adznačyŭ artyst.
«Ja ŭpeŭnieny, što nichto ŭ katalickaj Jeŭropie nie adreahuje na heta, paličyŭšy prosta pierformansam, ale ŭjavicie lustranuju situacyju, kali b art-abjekt u vyhladzie pravasłaŭnaha chrama spalili dzie-niebudź pad Bierlinam ci Paryžam, jaki b hvałt padniaŭsia na ŭsich našych kanałach?
U hetym ja baču jak u kryvym lustry pierakos našaha hramadstva — ludzi krainy, u jakoj pryniaty vielmi sprečny zakon ab abaronie viery, hladziać pad pahanski bubien na pyłajučy chram relihii, jakaja znachodzicca ŭ mienšaści ŭ Rasii, a značyć niecikavaj ŭładzie z punktu hledžańnia hałasoŭ, a značyć biezabaronnaj», — zaklučaje Maksim Hałkin.
Arciom Hieadakian / TASS / Scanpix / LETA
Arciom Hieadakian / TASS / Scanpix / LETA
Jaŭhienija Navaženina / Sputnik / Scanpix / LETA
Maksim Šemietaŭ / Reuters / Scanpix / LETA
