vk.com/nikolalenivets
У арт-парку калужскай вёскі Нікола-Ленівец з нагоды Масленіцы пабудавалі з дошак і хмызу макет 30-метровага каталіцкага храма і спалілі яго. Аўтар праекта Мікалай Паліскі назваў усё гэта «Палымнеючай готыкай». Фатаграфіі спалення разышліся ў сацсетках і выклікалі бурнае абмеркаванне.
Артыст Максім Галкін напісаў пра гэта цэлы пост.
«Масленіца, як я разумею, спрадвечна паганскае свята, якое знайшло сваё месца ў хрысціянскай праваслаўнай традыцыі. У нашым грамадстве апошнім часам вельмі абвострана абараняюць пачуцці вернікаў. Паважаныя падпісчыкі, можа, вы мне растлумачыце, я не разумею, навошта ў народна-праваслаўнае свята спальваць не традыцыйнае бяскрыўднае пудзіла, а велізарны трыццаціметровы касцёл? Выглядае жудасна. Але, быць можа, я не ў курсе і ў каталіцкай Еўропе цяпер паўсюль паляць саламяныя саборы на плошчах?» — адзначыў артыст.
«Я ўпэўнены, што ніхто ў каталіцкай Еўропе не адрэагуе на гэта, палічыўшы проста перформансам, але ўявіце люстраную сітуацыю, калі б арт-аб'ект у выглядзе праваслаўнага храма спалілі дзе-небудзь пад Берлінам ці Парыжам, які б гвалт падняўся на ўсіх нашых каналах?
У гэтым я бачу як у крывым люстры перакос нашага грамадства — людзі краіны, у якой прыняты вельмі спрэчны закон аб абароне веры, глядзяць пад паганскі бубен на пылаючы храм рэлігіі, якая знаходзіцца ў меншасці ў Расіі, а значыць нецікавай ўладзе з пункту гледжання галасоў, а значыць безабароннай», — заключае Максім Галкін.
Арцём Геадакян / ТАСС / Scanpix / LETA
Арцём Геадакян / ТАСС / Scanpix / LETA
Яўгенія Наважэніна / Sputnik / Scanpix / LETA
Максім Шэметаў / Reuters / Scanpix / LETA
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)