Centrvybarkam apublikavaŭ (PDF-fajł) vyniki vybaraŭ u miascovyja saviety.
Siarod viadomych asobaŭ, jakija trapili ŭ Minharsaviet, były frystajlist Alaksiej Hryšyn, a taksama viadučy ANT Jaŭhien Łaškoŭski.
Inšy viadomy spartsmien, chakiejny bramnik Vital Koval, jaki bałatavaŭsia ad ŁDPB, prajhraŭ na vybarach.
Zatoje ŭ Minharsaviet apynuŭsia inšy pradstaŭnik partyi Hajdukievičaŭ, top-mieniedžar budaŭničaj kampanii Aleh Časałaŭ.
Ahułam u Minharsaviecie budzie šeść pradstaŭnikoŭ Kamunistyčnaj partyi, piać členaŭ Respublikanskaj partyi pracy i spraviadlivaści, try členy Biełaruskaj sacyjalna-spartyŭnaj partyi, a taksama pa adnym členie Biełaruskaj patryjatyčnaj partyi i Biełaruskaj ahrarnaj partyi.
Usio heta praŭładnyja palityčnyja ŭtvareńni, nivodnaha apazicyjaniera ŭ Minharsaviet nie puścili.
Samaja maładaja deputatka — 22-hadovaja kultarhanizatar Studenckaha haradka Volha Ciesakova. U jaje padtrymku vykarystoŭvaŭsia administracyjny resurs, jak, zrešty, i ŭ padtrymku absalutnaj bolšaści «pieramožcaŭ».
Niečakanaściu možna ličyć trapleńnie ŭ śpis pieramožcaŭ niemałoj kolkaści pradstaŭnikoŭ biznes-śfiery. Namieśnik dyrektara «Finprafit», dyrektar «Siryjon Soft», dyrektar «Vipojnt», dyrektar «Halereja Kancept»…
Abrańnie niekatorych ź ich nie vyhladała vidavočnym. U vyniku prahnoz «Našaj Nivy» spraŭdziŭsia nie całkam, uhadanymi byli bolš za 80% abvieščanych pieramožcaŭ.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»11
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary