Sud Centralnaha rajona Minska vyrašyŭ, što ŭ spravie Andrusia Kozieła šmat niavyśvietlenych akaličnaściaŭ. Tamu Kozieła adpuścili, a materyjały razhledziać jašče raz paźniej.
Anłajn z pasiadžeńnia vioŭ telekanał Biełsat.
Udzień 18 lutaha Andrusia Kozieła hvałtam vyvieli z vybarčaha učastka №27 u Minsku.
«Ja vioŭ pramuju tranślacyju z učastku. Maŭčaŭ, da kamisii nie padychodziŭ. Supracoŭnik pravaachoŭnych orhanaŭ nie zmoh matyvavać svaju zabaronu na zdymku», — raspavioŭ na sudzie Kozieł.
Koziełu zahadali pierastać zdymać i prybrać telefon. Jon admoviŭsia, paprasiŭ udakładnić — na jakoj padstavie nielha zdymać?
Tady staršynia kamisii paprasiła vyvieści jaho z pamiaškańnia. Što milicyjanty i zrabili.
Paśla Kozieła advieźli ŭ adździaleńnie, noč jon pravioŭ za kratami.
19 lutaha adbyŭsia sud.
«Praparščyk Dubinski nanios mnie kala 3 udaraŭ pa hałavie, paśla biŭ pa śpinie i nyrkach. U vyniku dziejańniaŭ milicyjantaŭ ja ŭdaryŭsia hałavoj ab dźviery i raźbiŭ škło», — raskazvaŭ Kozieł u sudzie.
Milicyjant Dubinski daŭ pakazańni, što žurnalist sam upaŭ na padłohu, čym i nanios sabie cialesnyja paškodžańni. Hvałt, kažuć, nie prymianiali, a škło Kozieł vydaviŭ nahoj.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary