U Biełarusi pryniali Kancepcyju raźvićcia viełaruchu — dolu viełasipiedaŭ pa pieramiaščeńni pa horadzie chočuć pavialičyć u 10 razoŭ
U Biełarusi płanujuć istotna pavialičyć dolu vykarystańnia viełasipiedaŭ da 2030 hoda. Heta prapisana ŭ Kancepcyi raźvićcia viełaruchu, jakuju pryniali ŭ krainie, paviedamlajuć u Minskim viełasipiednym tavarystvie, paviedamlaje Tut.by.
Pastajannaja kamisija pa zabieśpiačeńni biaśpieki darožnaha ruchu pry Saviecie ministraŭ pryniała Kancepcyju raźvićcia viełasipiednaha ruchu.
U płanach da 2030 hoda — pavialičyć dolu vykarystańnia rovaraŭ. U haradach z nasielnictvam u 50 tysiač čałaviek i bolš — da 8-10%, u haradach z nasielnictvam mienš za 50 tysiač čałaviek i miastečkach — da 15-20%, u ahraharadkach i siołach — zvyš 40%.
Pavodle infarmacyi viełatavarystva, dola vykarystańnia rovara ŭ abjomie ŭsich pieramiaščeńniaŭ ŭ Minsku ŭžo pieravysiła 1%.
— Zajaŭlenyja 8-10% dla Minska — heta davoli šmat. Heta kala 500 — 700 tysiač pajezdak u dzień pa roznych metach ŭ ciopły čas hoda, — adznačaje staršynia praŭleńnia Minskaha viełasipiednaha tavarystva Pavieł Harbunoŭ. — Ale heta całkam dasiahalna. Dla paraŭnańnia: u Varšavie hetaja ličba siońnia 4%, biahučaja dola pajezdak u Bierlinie — kala 13-15%. U ahulnajeŭrapiejskaj stratehii, jakaja ciapier abmiarkoŭvajecca, chutčej za ŭsio, budzie indykatar 12% pajezdak da 2030 hoda ŭ siarednim pa haradach Jeŭrasajuza. Tak što našyja mety całkam sučasnyja.
Ciapier čytajuć
Ci zabiare kampjutar vašu pracu i kali robaty pačnuć myć za nas posud? Raspytali ekśpierta pra štučny intelekt1
Kamientary