Žachlivaja historyja zdaryłasia ŭ Smarhoni ranicaj 28 lutaha.
Chareohraf miascovaha dziciačaha sadka išła na pracu, kali z susiedniaha doma vybiehła jaje kaleha: u zalitaj kryvioju načnoj kašuli i basanož.
Vyklikali chutkuju, milicyju. Žančynu — 58-hadovuju vychavacielku adnaho ź dziciačych sadkoŭ — advieźli ŭ balnicu.
Jaje muž (para žyła razam, ale była ŭ razvodzie) zamknuŭsia doma. Trapić unutr milicyjanty nie zmahli. Kali złamali dźviery, mužčynu znajšli ŭ vannaj. Pa słovach miascovych žycharoŭ, jon skončyŭ žyćcio samahubstvam, utknuŭšy nož sabie ŭ hrudzi.
Dakładnyja abstaviny nieviadomyja. Miascovaja milicyja admaŭlajecca ad kamientaroŭ.
Ale kažuć, što muž paciarpiełaj mocna chvareŭ. Jamu było pad 59 hadoŭ, jon mocna pakutavaŭ na cukroŭku i, mahčyma, mieŭ zachvorvańni, jakija ŭpłyvali na jaho adekvatnaść. Mužčyna mieŭ hrupu invalidnaści.
«Jana vielmi dobry śpiecyjalist: intelihientnaja, adekvatnaja žančyna. Jaje lubiać i kalehi, i baćki dziaciej. Ale jana asabliva nie raspaŭsiudžvałasia pra svajo žyćcio. Časam skardziłasia, što joj ciažka žyviecca, kazała, maŭlaŭ, muž chvory, muž durny. Ale i ŭjavić nie mahli, što tam takoje moža adbycca», — kažuć kalehi paciarpiełaj.
Miascovyja žychary raskazvajuć, što ŭ 8:30 ranicy 28 lutaha mužčyna na hlebie reŭnaści kinuŭsia na žonku. Jon uziaŭ nož i vyrazaŭ u jaje haračym nažom na łbie niecenzurnaje słova «bł****». Paśla nibyta pačaŭ vyrazać hienitalii. Žančyna ci to straciła prytomnaść, ci to prykinułasia pamierłaj i, kali muž vyjšaŭ z pakoja, zmahła ŭciačy z chaty.
Muž zamknuŭ usie dźviery i zarezaŭ siabie.
Žančyna vyžyła. Ciapier jana znachodzicca ŭ balnicy, u reanimacyi.
Śledčy kamitet paviedamiŭ, što «mierkavany matyŭ - praciahłyja kanfliktnyja adnosiny». Zaviedziena kryminalnaja sprava, idzie rasśledavańnie.
Cialesnyja paškodžańni žančyny kvalifikavanyja jak ciažkija.
Ciapier čytajuć
Čamu ŭ biełaruskaj turmie tak mocna chudziejuć? Tłumačym3
Kamientary