Hurt Volski na čale ź Lavonam Volskim jedzie ŭ tur z najlepšymi pieśniami N.R.M., «Mroi», a taksama solnych albomaŭ Volskaha ŭ elektryčnym hučańni.
Hurt Volski składajuć Lavon Volski (vakał, hitara), Pavieł Trypuć (hitara), Aleś-Francišak Myškievič (bas), Pavieł Mamonaŭ (bubny). U dyskahrafii hurta albomy «Hramadaznaŭstva» (2014) i «Psichasamatyka» (2016). U repiertuary — uvieś bek-katałoh najlepšych piesień kalektyvaŭ z udziełam Lavona Volskaha. U vieraśni 2017 Volski sabraŭ anšłah u minskim Prime Hall.
— U apošni raz ja jeździŭ u tur pa Biełarusi jašče z N.R.M. u 2008 hodzie. Heta było tak daŭno, što prosta nie vierycca, — uzhadvaje Lavon Volski. — Budziem rady bačyć usich. Prahrama ŭ tury budzie bieskampramisna elektryčnaja i enerhičnaja.
Hrafik tura: 14.04 — Homiel, 15.04 — Barysaŭ, 21.04 — Viciebsk, 28.04 — Brest, 29.04 — Mahiloŭ, 05.05 — Hrodna, 18.05 — Babrujsk. Śpis budzie dapaŭniacca. Aktualnaja infarmacyja na staronkach u Facebook i VK. Arhanizataram tura źjaŭlajecca ahienctva «Naš dzień».
Dniami pieršy za doŭhi čas tur pa Biełarusi taksama abvieściŭ Źmicier Vajciuškievič. Jon vystupić u Viciebsku (10.03), Barysavie (18.03), Astraŭcy (5.04), Homieli (20.05).
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)