Partyja Paźniaka damaŭlajecca z uładami nakont «Kamienia BNR» u Miensku. Užo paspryjała Akademija navuk
Kanservatyŭna-Chryścijanskaja partyja BNF viadzie pieramovy ź Mienharvykankamam nakont ustalavańnia pamiatnaha kamienia ŭ skvery kala teatru imia Janki Kupały, piša Radyjo Svaboda. U hetym budynku ŭ śniežni 1917 hodu adbyŭsia Pieršy Ŭsiebiełaruski Źjezd. Mienavita Vykanaŭčy Kamitet Źjezdu paźniej inicyjavaŭ abviaščeńnie niezaležnaści BNR.
Eskiz vyjavy na kamieni raspracavaŭ mastak Alaksiej Maračkin. Pavodle ŭstupnaj versii, na im buduć vybityja słovy pra 100-hodździe BNR i lozunh «Biełaruś — naviečna».
«Praces idzie. Iduć pieramovy nakont jurydyčnaha ŭparadkavańnia ŭsich spravaŭ, źviazanych z ustalavańniem hetaha kamienia», — raspaviała Svabodzie prychilnica KCHP-BNF Alena Hušča.
Kab atrymać dazvoł ad uładaŭ, partyja Zianona Paźniaka źviarnułasia ŭ Instytut historyi Nacyjanalnaj akademii navuk z prośbaj paćvierdzić važnaść dla historyi Biełarusi ŭtvareńnia BNR. U adkazie dyrektara Instytutu historyi NAN Viačasłava Daniłoviča havorycca:
«Abviaščeńnie Biełaruskaj Narodnaj Respubliki źjaŭlajecca važnaj padziejaj u historyi Biełarusi. Niahledziačy na toje, što BNR jak dziaržava nie adbyłasia, upieršyniu była nia tolki sfarmulavana ideja nacyjanalnaj dziaržaŭnaści, ale i zrobleny praktyčnyja kroki pa jaje realizacyi».
Ciapier KCHP-BNF čakaje zaklučeńnia ad Ministerstva kultury pra nieabchodnaść ustanoŭki pamiatnaha kamienia. Jak tolki budzie atrymany dazvoł, pačniecca zbor srodkaŭ na jaho ŭstalavańnie.
Zianon Paźniak inicyjavaŭ ideju ŭstalavańnia padobnych kamianioŭ pa ŭsioj Biełarusi i za jaje miežami, tam, dzie žyvuć biełarusy.
-
Spravu biełarusa, jakoha vinavaciać u dyviersii na BAMie, budzie razhladać vajskovy sud u Čycie. Jamu pahražaje pažyćciovaje
-
Lubimaja hazieta Pucina apublikavała artykuł pra płan napadu ES na Rasiju ŭ 2027 hodzie. Ekśpiertam vystupiŭ były kiraŭnik BT
-
Pravaabaroncy pryznali palitviaźniami 20 čałaviek
Kamientary