Sotni murašoŭ stali vadzić karahod vakoł ajfona, kali toj pačaŭ zvanić. Čamu? VIDEA
Na YouTube źjaviłasia videa, na jakim murašy poŭzajuć vakoł smartfona iPhone, na jaki niechta telefanuje. Na kadrach bačna, jak kazurki spačatku chaatyčna ruchajucca kala smartfona, a kali jon prymaje ŭvachodny vyklik, vystrojvajucca ŭ «karahod».
U kamientarach da zapisu karystalniki vykazvajuć zdahadku, što na dziŭnyja pavodziny murašak mahli paŭpłyvać vibracyja telefona, mahnitnaje vypramieńvańnie abo asablivaja miełodyja zvanka. Niekatoryja miarkujuć, što heta ŭvohule fejk. Što ž nasamreč my bačym na videa?
Chutčej za ŭsio, aŭtar videa natyknuŭsia na dastatkova častuju pryrodnuju źjavu — murašynaje koła. Sutnaść źjavy palahahaje ŭ tym, što hrupa murašak, na pieršy pohlad całkam biespadstaŭna, pačynaje biehać pa zamknionym kole, pastupova dałučajučy da svajho biaskoncaha pracesu ŭsio bolš i bolš inšych. Jany praciahvajuć svoj bieh da taho času, pakul adno za adnym nie pamirajuć praź źniasileńnie.
Najbujniejšy amierykanski mirmiekołah (navukoŭca, jaki daśleduje murašoŭ) Uiljam Mortan Uiler u 1910 hodzie apisaŭ vypadak murašynaha koła, jakoje dziejničała ŭ łabaratornych umovach na praciahu 46 hadzin.
Nijakaha dakładnaha adkazu na pytańnie ab tym, čamu ŭźnikaje takaja źjava, navukoŭcy jašče nie dali. Mierkavana, tłumačeńniem fienomiena moža być fieramonny śled, jakim murašy niekatorych vidaŭ, jakija zdabyvajuć ježu razam, paznačajuć pavierchniu ziamli padčas pachodaŭ pa ježu z metaj chutkaha i efiektyŭnaha padarožža da miesca znachodžańnia ježy i pieranosu jaje nazad u murašnik. Z dapamohaj parnych vusikaŭ, raźmieščanych blizka da ziamli, murašy ŭsprymajuć kirunak i intensiŭnaść pachu, i ruchajucca stroha pa fieramonnym śledzie. U adzin z momantaŭ pa tych ci inšych pryčynach u ałharytmie adbyvajecca zboj, i muraška pačynaje chadzić pa zamknionym kole, dałučajučy da śmiarotnaha šeścia i svaich bratoŭ.
Vierahodna, aŭtar videa z YouTube zaŭvažyŭ murašynaje koła akurat u toj momant, kali jano tolki pačało vystrojvacca, pakłaŭ u jahony centr telefon i pazvaniŭ na jaho, tym samym zrabiŭšy vyhlad, što nasiakomyja biehajuć mienavita vakoł pryłady.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary