MAK dazvalaŭ Bjorndalenu vystupić za Biełaruś na Alimpijadzie-2018, ale narviežac admoviŭsia
Vaśmirazovy alimpijski čempijon Ule Ejnar Bjorndalen raspavioŭ telekanału TV2 pra toje, što razhladaŭ mahčymaść vystupić za zbornuju Biełarusi na Hulniach u Pchienčchanie.
— Tak, tearetyčna była takaja mahčymaść, heta całkam mahło atrymacca. Ja padziakavaŭ, ale adkazaŭ admovaj, dumaju, heta było pravilnaje rašeńnie.
— Ci składana było admovicca?
— Heta było kančatkovaje rašeńnie. Ja doŭha razvažaŭ nad tym, pravilna ja pastupiŭ ci nie. Ja byŭ matyvavany vystupać, nabraŭ dobruju formu, tak što heta była składanaja dylema.
Ja narviežac, było b składana vyjści na stadyjon u biełaruskaj formie. Nie dumaju, što heta było b pravilna. Tamu majo rašeńnie było apraŭdana», — skazaŭ Bjorndalen.
Jak paviedamili ŭ Mižnarodnym alimpijskim kamitecie (MAK), Bjorndalenu było b dazvolena vystupić za Biełaruś u Pchienčchanie 2018. MAK i Mižnarodny sajuz bijatłanistaŭ (IBU) moh admianić karancin dla narviežca pry pierachodzie ŭ biełaruskuju kamandu.
Ciapier čytajuć
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ1
Kamientary