Vahie Marcirasian, fota Tut.by
Staršynia Biełaruskaj fiederacyi futboła Siarhiej Rumas adkazaŭ na pytańnie žurnalistaŭ pra novaha inviestara kłuba «Krumkačy» Vahie Marcirasiana.
— Pieršy namieśnik staršyni fiederacyi futboła Siarhiej Safarjan nazvaŭ novaha sponsara «Krumkačoŭ» pustyškaj, jakoj kłub u čarhovy raz choča prykrycca …
— Ja ź im sustrakaŭsia, ale nie staviŭ metaj hetaj sustrečy atrymać ad jaho niejkija piśmovyja harantyi taho, što jon budzie finansavać kłub. Dzianis Šunto źviarnuŭsia da mianie z prośbaj ab sustrečy. Ja nikoli nie admaŭlaŭ ni jamu, ni kamu-niebudź inšamu. Ja pryniaŭ ich, pasłuchaŭ i skazaŭ, što rašeńnie budzie pryniata ŭ adpaviednaści z rehłamientam. Ja nie davaŭ ni jamu, ni patencyjnamu inviestaru nijakich abiacańniaŭ.
Paralelna my sabrali infarmacyju z roznych krynic pra mierkavanaha inviestara i nie znajšli niejkich paćvierdžańniaŭ pra toje, što heta niejki bujny biznes, jaki možna było niejak acanić, — skazaŭ Siarhiej Rumas.
Jon dadaŭ, što fiederacyja časta idzie na sastupki kamandam, i hety praces nieabchodna ŭparadkavać. «Fiederacyja pačała rabić vielmi šmat sastupak, vyklučeńniaŭ, jakija ŭsprymajucca kłubami jak dadzienaść. Adnak za čas, jaki ŭznačalvaju fiederacyju futboła, nie było vypadku, kab kłub nie zdaŭ dakumienty na licenzavańnie. Bolš za toje, my pajšli nasustrač «Krumkačam» i ŭstanavili inšy termin pradstaŭleńnia dakumientaŭ, ale znoŭ nijakich papier my nie atrymali. Kiraŭnictva kamandy pastaviła ŭmovu: prymicie zajavu na ŭdzieł, tady budziem vyrašać našyja pytańni. Adnak $ 400 tysiač daŭhoŭ — heta vielmi vialikaja suma dla kłuba, jaki nie maje jasnych pierśpiektyŭ, jak jon budzie pracavać u 2018 hodzie?» — cytuje słovy staršyni asacyjacyi BiełTA
