Lavon Volski nie vystupić kala Opiernaha 25 sakavika praz abaviazki pierad biełarusami Biełastoka
Lavon Volski nie vystupić na śviatočnym kancercie «Śviata niezaležnaści» kala Opiernaha teatra ŭ Minsku 25 sakavika, bo ŭ hety dzień budzie brać udzieł u kancercie ŭ Biełastoku.
Pra heta jon napisaŭ u svaim fejsbuku
«25 sakavika ja zaśpiavaju na śviatočnym kancercie ŭ Miensku. Ale ŭ režymie telemosta, — adznačaje jon. — Jašče letam 2017 hoda ja pryniaŭ prapanovu vystupić u hety dzień na kancercie da 100-hodździa BNR u Biełastoku, jaki ładziać miascovyja biełarusy. U pamiaci jašče byli śviežyja malunki z 25 sakavika 2017, kali ja sam ledź nie patrapiŭ u pastarunak. I ciažka było ŭjavić, što praz hod ułady dazvolać uračystaje śviata ŭ Minsku ŭ taki dzień».
«Śviata ŭ Miensku kala Opiernaha — heta vydatnaja navina. I ja vielmi chacieŭ tam vystupić asabista. Ciaham apošnich dvuch tydniaŭ my sprabavali damovicca z arhanizatarami kancertu ŭ Biełastoku spačatku pra pieranos na inšy dzień. Potym pra pieranos chacia b na niekalki hadzin, ale jany majuć svaje abaviazki i kažuć, što heta niemahčyma.
— Ja maju być na scenie a 17-j pa Varšavie (18-ja ŭ Biełarusi). Vystupić u Miensku a 14-j, dajechać i pierasiekčy miažu ja prosta nie paśpieju. Razam z arhanizatarami śviata kala Opiernaha my abmiarkoŭvali navat varyjant z hielikopteram, ale mižnarodnaha aeraporta ŭ Biełastoku niama, a z Varšavy ci Harodni dajechać znoŭ nie paśpiavaju. Tamu ja zaśpiavaju ŭ Miensku ŭ varyjancie telemosta. Adbudziecca prezientacyja majoj pieśni, pryśviečanaj 100-hodździu abviaščeńnia BNR»
Čytajcie taksama: Biełastocki biełarus Aleh Łatyšonak pra zabaronu na vystup Volskaha ŭ Minsku: «My — jeŭrapiejcy, tamu nie mianiajem svaje płany»
Andrej Dyńko: U situacyi z vystupam Volskaha ŭ Biełastoku ŭražvaje parafijalnaść myśleńnia biełastaččan
Nahadajem, što haradskija ŭłady dazvolili mitynh i śviatočny kancert kala Opiernaha teatra ŭ Minsku 25 sakavika. Pačacca mierapryjemstva pavinna a 13-j hadzinie, kancert a 14-j. Dazvolena vykarystańnie bieł-čyrvona-biełych ściahoŭ.
Dadamo, što 13 sakavika ŭ Kupałaŭskim parku adbyłosia ŭračystaje adkryćcio pamiatnaha kamienia ŭ honar pačynalnikaŭ nacyjanalnaha adradžeńnia bratoŭ Łuckievičaŭ, u sieradu ŭ Histaryčnym muziei adbyłosia adkryćcio vystavy, pryśviečanaj BNR, a siońnia ŭ Instytucie historyi pačynajecca navukovaja kanfierencyja, pryśviečanaja 100-hodździu Biełaruskaj Narodnaj Respubliki.
Kamientary