Vital Cyhankoŭ: Ludziam u Rasii, jakija majuć u sabie «jeŭrapiejski hien», ja b paraiŭ prosta emihravać
Tyja 3-4 pracenty, jakija nabiaruć na vybarach u Rasii libieralnyja (umoŭna abaznačym ich tak) kandydaty — heta mienš, čym atrymali b prazachodnija libierały ŭ SSSR va ŭmovach svabodnych vybaraŭ u jakim-niebudź 1982 hodzie. Darečy, kolkaść hałasoŭ, addadzienych za libieralnych kandydataŭ, stabilna pamianšajecca apošnija 18 hadoŭ, na kožnych vybarach za časy Pucina.
I heta zakanamierna, bo ŭ sensie samazabyŭnaj lubovi da ŭłady i nianaviści da Zachadu rasijskaje hramadztva ciapier značna bolš retrahradnaje i ciemrašalskaje, čym było navat u časy hłybokaha saŭka.
Heta nie adchileńnie. «Adchileńnie» było ŭ 90-ja hady, kali dziakujučy płyni historyi značnaja častka rasiejcaŭ (mahčyma, pracentaŭ 20-30) sapraŭdy pranikłasia na peŭny čas demakratyčnymi i svabodalubivymi (kab nie ŭžyvać sprečnaje słova «libieralnyja») idejami. Ale heta była histaryčnaja anamalija. A zaraz Rasija viarnułasia da svajho sapraŭdnaha, zvykłaha, histaryčnaha stanu — abažańnie ŭłady i cara, «čałaviek ništo — dziaržava ŭsie», «vakoł adny vorahi».
Tym ludziam u Rasii, jakija majuć u sabie «jeŭrapiejski hien», ja by žorstka paraiŭ prosta emihravać. Bo nastupny šaniec na pazytyŭnyja pieramieny ŭ Rasii možna nie pabačyć dziesiacihodździami. I, darečy, kali jon i budzie — to amal abaviazkova budzie źviazany z radykalnym asłableńniem Rasii.
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3737
Kamientary