U Minsku paralimpijcaŭ sustrakali z arkiestram i karavajem FOTAFAKT
20 sakavika a 2-j hadzinie ŭnačy ŭ Biełaruś z Paŭdniovaj Karei viarnulisia paralimpijcy. Zimovyja Paralimpijskija hulni ŭ Pchiončchanie stali samymi paśpiachovymi ŭ našaj historyi. Biełaruskija spartoŭcy vystupili ŭ dvuch vidach sportu — bijatłonie i łyžnych honkach. U skarboncy našaj zbornaj 12 uznaharod: pa čatyry załatyja, srebranyja i bronzavyja miedali.
Śviatłana Sachanienka stała trochrazovaj paralimpijskaj čempijonkaj u łyžnych honkach, a taksama zavajavała bronzu ŭ bijatłonie. Zavajoŭvać uznaharody Śviatłanie dapamahaŭ viadučy Raman Jaščanka.
21-hadovy Juryj Hołub zavajavaŭ zołata ŭ bijatłonnaj honcy, a taksama 2 srebranyja miedali (u bijatłonnym spryncie i ŭ łyžnaj honcy) i 1 bronzavy (łyžnaja honka kłasičnym stylem). Na trasie Juryju dapamahaŭ viadučy Dźmitryj Budziłovič.
Dźmitryj Łoban zavajavaŭ dva srebranyja miedali ŭ spabornictvach dla ludiej z parušeńniami aporna-ruchalnaha aparata (bijatłonny i łyžny sprynt), a Lidzija Hrafiejeva ŭziała dźvie bronzy (u bijatłonnym spryncie i ŭ bijatłonnaj honcy)
U minskim aeraporcie, niahledzčy na poźni čas, paralimpijcaŭ sustrakali spartyŭnyja čynoŭniki, rodnyja, siabry i, jak zaŭsiody, natoŭp žurnalistaŭ.
Usie spartoŭcy pryznajucca, što bolš za ŭsio marać pra son, ale davać intervju nie admaŭlajucca. Juryj Hołub raspaviadaje, što svaju pieramohu pryśviačaje rodnamu Hłusku i maci, jakaja padtrymlivała jaho padčas Paralimpijskich hulniaŭ bolš za ŭsich. Spartoviec nie chavaje: Paraalimpijada atrymałasia chacia i paśpiachovaj, ale składanaj.
Śviatłana Sachanienka ŭśmichajecca, napeŭna, bolš za ŭsich. Jana ščyra kaža, što joj padabajecca ŭvaha, ale takoha razmachu jana nie čakała. U bližejšia niekalki dzion dziaŭčyna chacieła b adpačyć, ale paśla, pa jaje słovach, praciahnie treniroŭki.
Ciapier čytajuć
U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym8
Kamientary