Tramp nie źbirajecca padpisvać zajavu G7 pa pytańni izrailska-iranskaha kanfliktu
Prezident ZŠA Donald Tramp admovicca padpisvać ahulnuju zajavu samitu «Vialikaj siamiorki» ŭ Kanadzie, u jakoj utrymlivajecca zaklik da źnižeńnia napružanaści pamiž Izrailem i Iranam. Pra heta paviedamiŭ telekanał CNN sa spasyłkaj na svaje krynicy.
U prajekcie zajavy, jaki padrychtavali jeŭrapiejskija krainy, havorycca, što Izrail maje prava na samaabaronu, a Iran nie pavinien atrymać jadziernuju zbroju. Ale pryčyny, čamu Tramp nie źbirajecca padpisvać dakumient, dakładna nie paviedamlajucca.
U Biełym domie adkazali, što pad kiraŭnictvam Trampa ZŠA «znoŭ uznačalvajuć namahańni pa adnaŭleńni miru ŭ śviecie» i zapeŭnili, što jon praciahnie pracavać nad tym, kab Iran nie atrymaŭ jadziernuju zbroju.
Kanflikt pamiž Izrailem i Iranam, jak čakajecca, stanie hałoŭnaj temaj dla suśvietnych lidaraŭ na samicie. Tramp užo paśpieŭ zrabić hučnuju zajavu — što vajny va Ukrainie nikoli nie było b, kali b Rasiju nie vyklučyli z «Vialikaj vaśmiorki» ŭ 2014 hodzie.
Ciapier čytajuć
Aleksijevič: Adno z samych mocnych uražańniaŭ u žyćci — kali ja apynułasia ŭ natoŭpie ŭ 2020 hodzie12
Kamientary