Paśla prylotu ŭ Biškiek. Fota BIEŁTA
Fota president.kg
Na samit SND Łukašenka ŭziaŭ syna Kolu. Kirhiskija čynoŭniki byli ašaranyja, kali pa čyrvonaj darožcy z samalota spuścilisia dva Łukašenki — Alaksandar Ryhoravič i Mikałaj Alaksandravič. Płaskavicki: heta biesprecedentna.
Dahetul Alaksandar Łukašenka braŭ z saboj małodšaha Mikołku pieravažna ŭ pajezdki pa Biełarusi (za vyklučeńniem alimpijskaha vajažu ŭ Pekin), a voś na miždziaržaŭnyja pieramovy chłopčyk trapiŭ upieršyniu. Ci adpaviadaje aficyjnamu pratakołu prysutnaść dziciaci kahości z kiraŭnikoŭ na takoha kštałtu mierapryjemstvach?
Učora biełaruskija i rasiejskija kanały pakazvali, jak haspadary samitu sustrakali na biškiekskim lotniščy kiraŭnika Biełarusi.
Niečakana dla mnohich aficyjnych asobaŭ Kyrhyzstanu z samalotu Alaksandar Łukašenka vyjšaŭ za ruku z maleńkim chłopčykam.Hetaksama razam Łukašenki pajšli pa čyrvonym dyvanie vitacca z haspadarami. Na kadrach było vidać, što
biełaruski prezydent nia tolki znajomiŭsia z pradstaŭnikami miascovych uładaŭ, ale i pradstaŭlaŭ im svajho małodšaha syna Mikałaja.Jak heta stasujecca z pratakołam, abaviazkovym dla vykanańnia aficyjnymi asobami? Ci moh prykłaści ruku da stvareńnia vobrazu «kłapatlivaha baćki» naniaty sioleta biełaruskim uradam brytanski pijarščyk Tymaci Beł? Nahadaju, zadača Beła — lubymi sposabami sfarmavać stanoŭčy imidž Biełarusi ŭ śviecie.
Eks‑namieśnik ministra zamiežnych spraŭ Biełarusi Andrej Sańnikaŭ kaža, što zhodna z dakumentami padčas mižnarodnych sustrečaŭ žorstka rehlamentujucca navat pavodziny žonak pieršych asobaŭ, nia kažučy ŭžo pra dziaciej:
«Žonka ŭ takich vypadkach idzie na adlehłaści, zzadu. Dla jaje składajecca asobnaja prahrama i h.d. Kali jość pieršaja asoba dziaržavy, to naturalna, što ŭsie mierapryjemstvy viarstajucca pad kiraŭnika krainy.
Nijakija žonki i tym bolš dzieci nie prysutničajuć na tych etapach, kali sapraŭdy idzie ci pratakoł, ci aficyjnaja sustreča…Ale, moža, jon i na Radzie biaśpieki budzie z baćkam siadzieć taksama pobač?..»
Karespandent: «To bok pratakołu takija pavodziny nie adpaviadajuć?»
«Nie, zusim nie adpaviadajuć».
Karespandent: «Ci moh łord Beł da hetaha prykłaści ruku?»
«Padajecca, što tak. Tamu tut škada chłopca, jakoha prosta vykarystoŭvajuć…»
Kolišni načalnik hałoŭnaha dziaržaŭnaha pravavoha ŭpraŭleńnia administracyi prezydenta Alaksandar Płaskavicki taksama kaža, što takija pavodziny Alaksandra Łukašenki nie stasujucca ni z pravavymi, ni z etyčnymi normami i na hety momant jany biesprecedentnyja:
«Nielha kazać, što heta niejkaje naŭprostavaje parušeńnie, ale heta nie adpaviadaje pratakołu. Nielha tak vychoŭvać chłopca, nielha. Ale što rabić?
Prosta škada małoha».
Karespandent: «Faktyčna jon z malenstva ŭciahvajecca ŭ vialikuju palityku…»
«Nie, jon u vialikuju palityku nia ŭciahvajecca, ale heta nazyvajecca razbeščvańnie. Ujavicie sabie, što budzie dalej, kali Łukašenka pabačyć, Vy pačytajcie historyju cara Irada Vialikaha, pabačycie, što byvaje ŭ takich vypadkachšto hety mały zachoča ŭładaryć… Kali chtości choča da takoj mocy ŭładaryć, to jon luboha, chto choča hetaha ž, budzie ŭjaŭlać sabie jak kankurenta. I pazbaŭlacca pry pieršaj mahčymaści. Heta maja 100‑pracentnaja ŭpeŭnienaść… Ale što da kankretnaha vypadku, to, z majho hledzišča, heta nijak nie adpaviadaje mižnarodnamu pratakołu. A małoha sapraŭdy škada».
Jašče da pieršaha źjaŭleńnia Mikołki na publicy padčas letašniaha subotniku ŭ spartovym kompleksie «Miensk‑Arena» Alaksandar Łukašenka zahadkava adkazvaŭ na pytańni pra mahčymuju pieradaču ŭłady ŭ spadčynu kamuści z synoŭ. U pryvatnaści, jon kazaŭ, što było b nierazumna rabić staŭku na niekaha słabiejšaha za dziejnaha prezydenta. Ale pry hetym kazaŭ, što kiravać Biełaruśsiu budzie «małodšańki»: «Unikalny čałaviek», — pry hetym zaznačaŭ Łukašenka.
I voś užo ciaham paŭtara hoda biez małodšaha Mikołki nie abychodzicca praktyčna nivodnaja pajezdka kiraŭnika krainy ŭ rehijony, a hetym razam haryzonty pašyrylisia da Siaredniaj Azii.
U adnym ź interviju Alaksandar Łukašenka pryznaŭsia, što maci Mikołki «pracuje ŭ mienskim špitali». Ciapier užo nie sakret, što heta Iryna Abielskaja, byłaja lekarka prezydenta, jakaja ciapier pracuje ŭ 9‑m kliničnym špitali Miensku. U jakim statusie naradžała Abielskaja — nieviadoma. Adnak žonka Łukašenki Halina Radzivonaŭna nie pajechała za im u mienskuju rezydencyju i zastałasia ŭ Ryžkavičach.
Abodva starejšyja syny — Viktar i Dźmitryj — užo majuć svaje siemji, a ŭnuki Łukašenki starejšyja za jaho małodšaha Mikołku.
