Byli ahučanyja padazreńni, što svaim pabłažlivym vizytam u Biełaruś jon staraŭsia spadabacca Rasii.
Deputaty parłamienta Finlandyi žorstka raskrytykavali vykazvańni ministra zamiežnych spraŭ hetaj krainy, dziejnaha staršyni ABSIE Alaksandera Stuba padčas vizitu ŭ Minsk 7 kastryčnika, paviedamiła ŭ piatnicu finskaja hazieta Helsingin Sanomat.
9 kastryčnika A. Stub adkazvaŭ na pytańni finskich deputataŭ. U pryvatnaści, jon zaznačyŭ, što asnoŭnaj dumkaj jaho pieramoŭ u biełaruskaj stalicy było toje, što «minułyja vybary nie byli sumlennymi i spraviadlivymi». Akramia taho, kiraŭnik MZS Finlandyi ŭźnimaŭ pytańni admieny pakarańnia śmierciu, «bolšaj svabody dla partyj, ŚMI i NDA».
U adkaz na
ahučanyja padazreńni, što jaho vizit u Biełaruś pavinien byŭ źmiakčyć pazicyju Rasii, jakaja niezadavolena jaho dziejnaściu ŭ ABSIE,A. Stub ukazaŭ, što z takoj farmuloŭkaj «vielmi ciažka zhadzicca». Ministr zaznačyŭ, što biełaruskija ŭłady «zaprasili naziralnikaŭ ABSIE, akramia taho, vybarčaja kampanija prajšła krychu lepš, čym raniej».
Pavodle słoŭ A. Stuba, ABSIE «vyrašyła nie sprabavać izalavać Biełaruś, ale pačać pakrokavaje supracoŭnictva».
Zakranajučy razmovu z Alaksandram Łukašenkam, finski ministr zaznačyŭ, što, jak tolki jon staŭ krytykavać staŭleńnie ŭładaŭ da apazicyi i prymianieńnie pakarańnia śmierciu, «televizijnyja kamiery tut ža ŭbrali».
U hutarcy z žurnalistami ŭ Minsku A. Stub zajaviŭ, što «pryjšoŭ čas razhladać rolu Biełarusi ŭ mižnarodnaj supolnaści i jaje dziejnaść u Jeŭropie z novaj pierśpiektyvy. I toje, što my bačym siońnia, — heta pieršyja kroki Biełarusi ŭ pravilnym napramku». Staršynia ABSIE zaznačyŭ, što «nikoli nie vieryŭ u izalacyju, ale ŭ supracoŭnictva». Pavodle jaho słoŭ, pieramovy z kiraŭnikom MZS Siarhiejem Martynavym i prezidentam Alaksandram Łukašenkam byli «stanoŭčymi i kanstruktyŭnymi». «Hałoŭnaja dumka — heta nieabchodnaść adkryć novuju staronku ŭ historyi našych adnosinaŭ», — zajaviŭ A. Stub.
Ciapier čytajuć
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy11
Šasnaccać hradusaŭ. Rasijski karespandent paskardziŭsia, što źmierz u łukašenkaŭskim pałacy
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami3737
Kamientary