Halina Abakunčyk: Dazvalajuć śviatkavać tolki ŭ zahonie, a za jahonymi miežami ty biaspraŭny
Svaim dośviedam śviatkavańnia Dnia Voli padzialiłasia ŭ svaim fejsbuku žurnalistka Halina Abakunčyk.
Maja tłustaja rysa pad ejfaryjaj udałaha śviata. Paśla ŭračystaj častki vychodžu na vulicu, kab dajechać dadomu. U rukach viarba-kvietki i nievialiki bieł-čyrvona bieły ściah. Ale ad Opiernaha nie dajšła navat da najbližejšaha prypynku na Niamizie: padkatvaje sini bus. Mnie tłumačyć nia treba, chto heta i čaho patrebna — chucieńka razvaročvajusia i sprabuju šmyhnuć u mietro. Ich taksama vučyć nia treba — dahaniajuć dźvie šafy, biaruć pad ručki i viazuć krasotku katacca. Nijakich tłumačeńniaŭ, chto jany, kudy i čaho viazuć. Zapeŭnivańni, što idu z dazvolenaha śviata dadomu, nikoha nie čapaju, maju pašpart — ni na što nia dziejničajuć.
U Centralnym RAUSie zvyčajnaja schiema — adabranyja rečy, zabaroniena telefanavać, zabarona navat na prybiralniu. Patrabujuć adkatać palčyki «pa zakonu», pa zakonie i admaŭlajusia. Praź niekatory čas pryvodziać jašče adnu žurnalistku Adarju Huštyn ź bieł-čyrvona-biełym ściaham na plačach, syna majho kalehi Vitala Cyhankova i jašče adnaho maładziona Alaksandra. Hetych adpracavali papoŭnaj — z palčykami i ŭsimi działami.
Nas z Adarjaj praz čatyry hadziny hetak ža moŭčki, biez anijakich tłumačeńniaŭ i prybačeńniaŭ raptam adpuskajuć, astatnich — na Akreścina. I heta tolki u adnym RAUSie i tolki pry mnie. A kolki ludziej adsiedzieli i zaraz zastajucca siadzieć u inšych RAUSach, jakija taksama išli na dazvolenaje ci z dazvolenaha śviata? Kolki zabrali rankam, napiaredadni? Pra jakuju ejfaryju havorka? Što źmianiłasia, što «dazvalajuć» śviatkavać tolki ŭ zahonie, a za jahonymi miežami ty ŭžo admarozak, ź jakim možna abychodzicca na ŭłasny hust? Jość sumnievy jak da nas nasamreč stavicca represyŭnaja mašyna?
Źmianiłasia chiba tolki toje, što dali joj dadatkovy šaniec lehitymizavacca jašče bolš — zaŭtra ž vyćcia budzie nia mierana pra «liberalizacyju». Nu i chiba chtości jašče atrymaŭ dla siabie im viadomyja dyvidendy — usio. Dla inšych hramadzian i patryjotaŭ — nie źmianiłasia ničoha. Dobraja była b bočka ź miodam, ale dziohać nikudy nia dzienieš.
Kala 19 tysiač kamier płanujuć ustalavać kala minskich padjezdaŭ. Heta amal u 10 razoŭ bolš, čym ciapier3
Kamientary