Śledčy kamitet Racii pačaŭ kryminalnuju spravu ab raspalvańni nianaviści ci varožaści ŭ dačynieńni da hramadzianina Ukrainy Mikity Kuvikava, viadomaha jak Jaŭhien Valnoŭ.
Pa dadzienych śledstva, ukrainski prankier raspaŭsiudžvaŭ niedakładnyja źviestki pra kolkaść zahinułych pry pažary ŭ Kiemieravie, «uvodziačy ŭ zman svajakoŭ zahinułych i paciarpiełych, takim čynam sprabujučy destabilizavać situacyju».
Raniej u SK raspaviali, što paśla pažaru ŭ Kiemieravie Valnoŭ telefanavaŭ u morhi horada, nazyvajučysia supracoŭnikam MNS, i pytaŭsia, ci hatovyja tam pryniać 300 zahinułych sa zharełaha handlovaha centra.
U intervju RBK Valnoŭ skazaŭ, što «kolkaść 300 była ŭziata mnoj, uličvajučy analiz kolkaści miescaŭ u kinazałach. Ja źjaŭlajusia adzinym, chto kaža praŭdu i nie baicca hetaha».
Pa słovach Valnova, rasijskija ŭłady «vidavočna buduć sprabavać zamaŭčać kolkaść strat». «Nivodnaja aficyjnaja rasijskaja struktura nie zasłuhoŭvaje davieru. Ratavalniki mahli dastać dziaciej, ale jany dazvolili im zadychnucca. Chočacca nahadać rasijanam, što dziakujučy ich biaździejnaści pamirajuć dzieci va ŭsim śviecie: u Siryi, va Ukrainie i nie tolki. Heta dobraja nahoda zadumacca, u što rasijanie pieratvaryli svaju dziaržavu», — raspavioŭ Valnoŭ.
Ciapier čytajuć
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2222
Kamientary