Fota: space.com
Pa papiarednich raźlikach, zona padzieńnia stancyi paznačanaja pamiž 42,8 hradusa paŭnočnaje šyraty i 42,8 hradusa paŭdniovaje šyraty, a heta značyć, što patencyjnym miescam padzieńnia moža stać Afryka, paŭdniovaja Jeŭropa, Blizki Ŭschod ci Paŭdniova-Uschodniaja Azija.
Navukoŭcy ŭpeŭnienyja, što ryzyka dla navakolnaha asiarodździa i ludziej minimalnaja, bo bolšaja častka stancyi prosta zharyć u atmaśfiery, astatnija ž častki, kali i dalaciać da pavierchni Ziamli, surjoznaj pahrozy pradstaŭlać nie buduć.
Cholhier Krah, kiraŭnik ŭpraŭleńnia, jakoje zajmajecca adsočvańniem kaśmičnaha śmiećcia pry Jeŭrapiejskim kaśmičnym ahienctvie, taksama adznačyŭ, što atrymać traŭmu ad padzieńnia abłomkaŭ stancyi małavierahodna.
«Zvyčajna ad 20 da 40 adsotkaŭ bujnych abjektaŭ mohuć dalacieć da Ziamli, ale pry hetym jany ŭsio roŭna rujnujucca pry padzieńni, a vierahodnaść atrymać traŭmu ad padzieńnia takoha abłomka paraŭnalnaja z šancam być paražanym małankaj dvojčy na hod», — supakojvaje Krah.
«Ciańhun-1» zapuścili na arbitu 29 vieraśnia 2011 hoda, i jana stała pieršaj piłatavanaj arbitalnaj stancyjaj, jakaja nie naležyć ZŠA abo SSSR. Termin jaje ekspłuatacyi składaŭ usiaho dva hady, tamu ŭ 2013 hodzie ekspłuatacyja stancyi zaviaršyłasia.
