AP
Były premjer-ministr Polščy i dziejučy staršynia Jeŭrapiejskaj rady Donald Tusk paabiacaŭ u 2019 hodzie viarnucca na polskuju palityčnuju scenu paśla zaviaršeńnia pracy ŭ Bruseli.
«Ja dakładna nie pajdu na piensiju. U 2019 hodzie ja budu tut, i chaj nichto nie dumaje, što ja budu hladzieć televizar i hulać z unukami ŭ futboł», — zajaviŭ jon u intervju telekanału TVN24, takim čynam anansavaŭšy pačatak novaha supraćstajańnia sa svaim hałoŭnym palityčnym apanientam — lidaram kirujučaj ciapier u Polščy partyi «Zakon i spraviadlivaść» Jarasłavam Kačyńskim.
U 2007 hodzie Tusk sa svajoj partyjaj «Hramadzianskaja płatforma» abyšoŭ Kačyńskaha na parłamienckich vybarach i zmoh utrymlivać uładu ŭ krainie na praciahu dvuch čatyrochhadovych terminaŭ zapar, što raniej nie ŭdavałasia ŭ sučasnaj Polščy nijakaj palityčnaj sile.
