U indyjskaj vioscy Banki, štat Arysa, małpa ściahnuła dzicia i ŭtapiła jaho ŭ kałodziežy, paviedamlaje vydańnie South China Morning Post.
Maci dziciaci śćviardžaje, što makak-rezus schapiŭ novanarodžanaha, jaki spaŭ pad maskitnaj sietkaj. Zatym žyvioła chutka zabrałasia na dach i źnikła z pola zroku. Baćki sprabavali znajści źnikłaje dzicia, ale biezvynikova.
Na nastupny dzień inšaja žycharka vioski zaŭvažyła cieła novanarodžanaha ŭ kałodziežy. Uskryćcio pakazała, što jon patanuŭ. Svajaki miarkujuć, što małpa vypadkova vypuściła jaho ŭ vadu. Adšukać žyviołu, jakaja stała pryčynaj hibieli dziciaci, pakul nie ŭdałosia.
«Małpy davoli časta napadajuć na ludziej abo załaziać u damy ŭ pošukach ježy, ale heta pieršy vypadak, kali adna ź ich źbiehła ź dziciem», — zajaviŭ pradstaŭnik palicyi.
