Biełaruś fihuruje ŭ śpisie krain, jakija ažyćciaŭlajuć pramyja pastaŭki zbroi ŭ vajujučy Sudan. Śpis krain, parušajučych patrabavańni AAN, składzieny pravaabarončaj arhanizacyjaj Human Rights First. Jašče ŭ 2004 hodzie Arhanizacyja Abjadnanych Nacyj nakłała zabaronu na prodaž zbroi krainie ŭ suviazi z vajskovymi dziejańniami ŭ Darfury.
Siarod astatnich krain‑pastaŭščykoŭ zbroi ŭ rehijon fihurujuć Rasieja, Iran, Kitaj, Indyja, Kipr, Kienija, Saudaŭskaja Aravija, Sieniehał, Słavakija, Ispanija i Turcyja.
Biełaruś užo była ŭ centry skandała, źviazanaha z pastaŭkami ŭzbrajeńniaŭ u vajujučy rehijon. Pa dadzienych hazety Sudan Tribune, urad Sudanu atrymaŭ partyju rasiejskich źniščalnikaŭ MiH‑29. Krynica hazety ŭ sudanskim vojsku paviedamiŭ, što źniščalniki byli sakretna pierapraŭlenyja ŭ krainu ź Biełarusi.
Jak adznačała vydańnie sa spasyłkaj na krynicu hazety ŭ sudanskim vojsku, ź Biełarusi ŭ Sudan byli sakretna pierapraŭlenyja 12 źniščalnikaŭ MiH‑29. Źniščalniki byli raźmieščanyja na bazie sudanskich VPS Vadzi‑Sejdna kala Chartuma.
Biełaruś — adzin z pastaŭščykoŭ uzbrajeńnia Sudanu, pisała vydańnie. Damova ab vajskovym supracoŭnictvie, abmienie dośviedam i dasiahnieńniami ŭ vajennaj vobłaści pamiž dvuma krainami byŭ padpisany ŭ červieni 2006 hoda. Pavodle dakumentu, biełaruskija instruktary navučajuć sudanskich vajskoŭcaŭ, «dzielacca ź imi vajskovym dośviedam», a navukoŭcy abiedźviuch krain sumiesna raspracoŭvajuć «prajekty ŭ halinie vajennaj navuki».
Hramadzianskaja vajna ŭ Darfury, u jakoj uradavyja siły i paduładnyja im atrady najmitaŭ «džandžavidaŭ» supraćstajać šmatlikim paŭstanckim hrupoŭkam, jakija damahajucca bolšaj niezaležnaści dla miaciežnaj pravincyi, praciahvajecca ź lutaha 2003 hoda. Za hety času ad hvałtu, pa dadzienych AAN, zahinuli nie mienš za 200 tysiač čałaviek, bolš za 2,5 miljony mirnych žycharoŭ stali biežancami.
Usie raŭndy mirnaha ŭrehulavańnia, arhanizavanyja padčas minułych hadoŭ pa inicyjatyvie AAN i Afrasajuzu (AS), skončvalisia biezvynikova.
Lideru krainy Amaru al‑Bašydu było pradjaŭlena dziesiać abvinavačvańniaŭ, u tym liku «u złačynstvie suprać čałavieckaści» i «hienacydzie».
Kiraŭnictva Biełarusi šmat razoŭ vinavacili ŭ pastaŭkach zbroi, u tym liku i rasiejskaj, u vajujučyja krainy abo krainy, jakija padtrymlivajuć teraryzm.
