Raskamnahlad paprasiŭ Tahanski rajonny sud ab nieadkładnaj błakiroŭcy Telegram u vypadku zadavalnieńnia pazovu rehulatara. Pra heta było skazana na padrychtoŭčym pasiadžeńni 12 krasavika, piša Interfaks.
«Dadzienaja sudovaja sprava źviazana z raspaŭsiudžvańniem infarmacyi, i, pakolki Telegram nie pieradaje klučy dla dekadavańnia paviedamleńniaŭ, my zajaŭlajem chadajnictva ab nieadkładnym vykanańni sudovaha rašeńnia ŭ vypadku zadavalnieńnia iskavaj zajavy», — skazała pradstaŭnik Raskamnahladu.
Pry hetym razhlad pazovu pryznačany ŭžo na 13 krasavika. Pradstaŭniki Telegram na padrychtoŭčaje pasiadžeńnie nie źjavilisia.
Rasijskaje zakanadaŭstva praduhledžvaje mahčymaść padać apielacyju na rašeńnie suda pieršaj instancyi pa pazovie. U hetym vypadku rašeńnie nie ŭstupić u zakonnuju siłu da razhladu ŭ druhoj instancyi.
