U Haazie pačałosia pasiadžeńnie vykanaŭčaha kamitetu Arhanizacyi pa zabaronie chimičnaj zbroi, pryśviečanaje mierkavanaj chimičnaj atacy ŭ syryjskim horadzie Duma 7 krasavika.
Hieneralny sakratar Arhanizacyi pa zabaronie chimičnaj zbroi paviedamiŭ, što hrupa ekspertaŭ arhanizacyi na minułym tydni prybyła ŭ Syryju, kab pačać pracu pa ŭstalavańni faktaŭ na miescy mierkavanaj ataki, u horadzie Duma. Adnak, pavodle jaho słoŭ, misija da hetaha času nie zmahła pačać pracu ŭ Dumie.
Brytanskaja delehacyja abvinavaciła ŭłady Syryi i Rasiei ŭ stvareńni pieraškod dla pracy misii, a pradstaŭnik ZŠA zajaviŭ, što Rasieja, mahčyma, źniščaje dokazy na miescy mierkavanaj chimičnaj ataki.
Horad Duma na minułym tydni pierajšoŭ pad kantrol syryjskich uradavych sił, tam taksama raźmieščana rasiejskaja vajennaja palicyja.
Namieśnik ministra zamiežnych spraŭ Rasiei Siarhiej Rabkoŭ zajaviŭ, što adpraŭcy misii AZCHZ ŭ Dumu «pieraškadžajuć nastupstvy ŭdaru ZŠA i sajuźnikaŭ», naniesienaha ŭ noč na subotu. Hety ŭdar nie nanosiŭsia pa celach u Dumie.
Vojski prezydenta Syryi Bašara Asada, jak śćviardžajuć krainy Zachadu, spasyłajučysia na adkrytyja krynicy i dadzienyja vyviedki, ažyćciavili chimičnuju ataku, achviarami jakoj stali mirnyja žychary. ZŠA, Vialikabrytanija i Francyja nanieśli ŭ subotu rakietny ŭdar pa abjektach u Syryi, źviazanym, jak śćviardžajecca, z raspracoŭkaj chimičnaj zbroi. Rasieja rezka asudziła ŭdar i abvinavaciła krainy, jakija jaho nanieśli, u imknieńni sarvać pracu inspektaraŭ AZCHZ.
«Zabić jaho ci adrezać jamu jajcy ja nie rašyŭsia». Padrabiaznaści trahiedyi ŭ Hdańsku, dzie vajar katavaŭ bojfrenda, a paśla zabiŭ siabie65
Kamientary